علاء عوض يثير الجدل: ربيت كلاب بدل ما أخلف.. وحماتي عملت لي أعمال سفلية
أثار الفنان علاء عوض حالة كبيرة من الجدل، بعد تصريحاته عن تعدد الزوجات في حياته، وتعرضه لـ السحر السفلي على يد حماته، هذا بجانب قراره عدم الإنجاب وتفضيله تربية الكلاب.
ونستعرض لكم أبرز تصريحات علاء عوض خلال لقائه مع ياسمين عز الذي كشف فيه العديد من الأسرار عن حياته:
ـ أنا حظي وحش في الجواز.. الزوجة الأولى مها خليل والدتها كانت رافضة جوازنا.
ـ كنت مكروه عند حماتي لأني أتجوزت بنتها غصب عنها فبقت تعملي أعمال سفلية.
ـ أنا أتكسرت في أول حب واتجوزت التانية والتالتة والرابعة في 3 سنوات ومن بعدها تبت.
ـ بتعامل مع بنات أخواتي على إنهم بناتي.. كان عندي فرص كتير أخلف لكن اخترت أربي كلاب.
ـ بصرف 70 % من فلوسي على الكلاب.
أبرز تصريحات علاء عوض
ـ جميلة عوض صدمتنا على جميع المستويات.. مكنتش بتتكلم معانا على دخولها مجال الفن.
ـ جميلة اعتمدت على نفسها ودخلت المجال بدون واسطة.. إحنا مكناش بنساعدها.
ـ أنا عملت رقصة مع جميلة بـ نكلة وده واحد على مليون وطلع تريند.
ـ لو الناس شافوا اللي كنت بعمله زمان كانوا هيقفلوا علينا التريند.
ـ جميلة عوض اتأخرت شوية في موضوع الجواز ويا رب محدش يقرّ عليها.
ـ بابا قالنا ده الطريق بتاعكم أنا مبساعدش حد اللي عايز فن يروح.
ـ إحنا فنانين مش علشان إحنا ولاد عوض إحنا فنانين علشان في موهبة موجودة.
ـ شغلنا في الأكاديمية ملهوش علاقة تمامًا بشغل السوق.
ـ أبويا وأمي ماتوا في 55 يوم.
وفي سياق آخر، تحدث علاء عوض عن تفاصيل فوزه وحصوله على سيارة في إحدى مسابقات الرقص والاستعراض، حيث أكد أنه قدم فكرة جديدة في المسابقة، نالت على إعجاب لجنة التحكيم لذلك فاز في هذه المسابقة، معقبا: أنا معايا بكالوريوس باليه، وكنت بكسب دايمًا مسابقات، وفي مرة لقيت أوتيل عامل مسابقة على عربية، وعملت شكل استعراضي وضفرت الباليه مع المودرن دانس، والمسابقة كانت كل يوم حد واثنين، وكنت بطلع الأول كل أسبوع، ويوم ما كسبت العربية كنت صرفت قد ثمنها 4 مرات، ومحمد منير وشريف منير كانوا بيجوا يشجعوني، وهي فرحة المكسب أن بكسب كل الدول العربية، وكسبت العربية لكن اتنصب عليا فيها.
