تصالح سيدة مع سائق ديدي المتهم في واقعة التهديد بعزبة النخل
تصالحت إحدى السيدات مع سائق شركة ديدي لخدمات التوصيل، بعدما اتهمته الأخيرة بتهديدها خلال الرحلة.
تصالح سيدة مع سائق ديدي في واقعة التهديد بعزبة النخل
ورصدت أجهزة الأمن بمديرية أمن القاهرة، شكوى إحدى السيدات من سائق شركة ديدي لخدمات التوصيل، بأن الأخير هدد السيدة في أثناء الرحلة معه.
وقال السيدة التي تدعى بسنت في استغاثتها، إن السائق طلب منها النزول من السيارة قبل انتهاء الرحلة، وهددها بالتصادم بها في شجرة، قائلة: قال لي لو منزلتيش من العربية هدخل بيكي في شجرة انتي وبنتك، اخلصي هتنزلي انتي وبنتك ولا أنزلك بالعافية.
وروت السيدة لـ القاهرة 24 تفاصيل الواقعة موضحة: ركبت مع سواق النهاردة تبع شركة ديدي، كنت رايحة عزبة النخل وطلبته وبعد ما عمل قبول للرحلة واتحركنا من النزهة الجديدة، لقيته بيقولي كويس والله أنا كنت مروح وقلت كويس في طريقي وأنا معلقتش.
وأضافت: وصلنا قبل الموقع بكيلو متر، وقالي ممكن تنزلي قلتله لسه فاضل كيلو هنزل ليه، هنا اتعصب عليا وخبط على الدريكسيون، ولما اتحرك وصلنا عند الشارع اللي هنزل فيه، وصلني وأنا هنزل في آخر الشارع لكنه فجأة وقف، وقالي مش هتحرك خطوة، قلت له بكل احترام معلش أنا عارفه إن المطبات صعبة بس معايا طفلة ونايمة وشنط كتير ومش هقدر امشى بيهم.
وتابعت: زعق فيا جامد واتكلم بعصبية زائدة عن اللزوم، وقال لي: بقولك انزلي أنا تعبت ومش همشي، ومن كتر ما قعد يزعق ويخبط في العربية البنت صحيت واتخضت وفضلت تعيط.
واستطردت: قال لي لو منزلتيش من العربية هدخل بيكي في شجرة انتي وبنتك، اخلصي هتنزلي انتي وبنتك ولا أنزلك بالعافية، ولما لقيته بيشتم طلعت الموبايل وصورته ولما شافني بصور راح عدل لسانه، أنا مش هسكت أنا وبنتي كنا في خطر وهاخد ضده كل الإجراءات القانونية.
