أحمد السبكي: الهجوم على فيلم الملحد سببه التربص لـ إبراهيم عيسى.. الناس شايفاه كافر وهو مثقف
علق المنتج أحمد السبكي، على الانتقادات الموجهة لفيلم الملحد، وذلك بعد طرح البرومو الخاص به أمس، مشيرًا إلى أن هناك تربصا بـ الكاتب إبراهيم عيسى على وجه الخصوص.
وقال أحمد السبكي خلال تصريحاته لـ القاهرة 24: الناس بتشتم الفيلم بشكل أساسي لأنه من تأليف إبراهيم عيسى، هما مش بيحبوه وبيقولوا عليه كافر ومرتد من وقت قصة الإسراء والمعراج، وده راجل مثقف والناس دي مش فاهمة.
وتابع السبكي: مفيش الكلام ده خالص إحنا مع الدين مش ضده، وإبراهيم عيسى بيقول للناس أنا مع الدين، السلفيين بيكفروا أي حد مش مؤمن، والناس هيعجبها الفيلم أوي والانتقادات دي ترويج ونجاح للفيلم، الفيلم لو كان فيه حاجة خادشة للدين أو لمعتقداتنا كان هيتمنع من الرقابة.
فيلم الملحد
طرح البرومو الرسمي لفيلم الملحد أمس، وظهر من خلال البرومو، أن فيلم الملحد سيناقش فكرة الارتداد عن الدين والأفكار التي تأتي لبعض الأشخاص، تشككهم بدينهم وبفكرة وجود إله وهو الله، وجاءت العديد من الجمل الحوارية خلال برومو فيلم الملحد، مثل: اللي يعرف حد ملحد ومرجعش.. يقتله، الملحد يسكت خالص.. يخلي فكرته في جوفه، أنت ابني.. سواء كنت مؤمن ولا كافر، لما ابني يكفر المفروض أحضنه وأبوسه؟.
