قريب من ربنا.. سارة سلامة تكشف مواصفات فتى أحلامها
كشفت الفنانة سارة سلامة، عن مواصفات فتي أحلامها، مؤكدة أنها ليست مرتبطة حاليًا وتركز في عملها بالفن، موضحة أنها تهتم بأن يكون شخصا متواضعا وقريبا من الله.
قالت سارة سلامة في تصريح خاص لـ القاهرة 24: أنا مش مرتبطة حاليًا ومفيش في دماغي وكل تركيزي في الشغل، وشريك حياتي مش بيهمني شكله ولا أي حاجة.
وتابعت سارة سلامة: أهم حاجة بالنسبالي يكون شخص متفاهم متواضع قريب من ربنا وأحس بالأمان ويكون قد المسؤولية، ومش شرط يكون من الوسط الفني.
سارة سلامة ترد على منتقديها
وعلى جانب آخر، ردت سارة سلامة مؤخرًا على الانتقادات التي تتعرض لها على مواقع التواصل الاجتماعي بسبب ملابسها، مؤكدة أنها أصبحت لا تهتم بتلك التعليقات السلبية ولا تركز فيها.
وقالت سارة سلامة لـ القاهرة 24: كنت بتأثر زمان بالتعليقات السلبية، لكن دلوقتي مش بركز وأهم شيء إني مقتنعة بنفسي وبكل حاجة بعملها، واللي مش حابب يشوفني ممكن ميشوفش؛ لأني مش هقدر أبرر كل حاجة بعملها في الحياة.
سر اختفاء سارة سلامة
بينما كشفت سارة سلامة عن سر اختفائها عن الساحة الفنية، قائلة: مش حابة فكرة اختفائي لكن بيكون مش قصدي وبعتذر على أعمال كتير بسبب تكرار الأدوار.. وأنا مهنتي ممثلة مش موديل وبحب الفن من فكرة إني أقدم حاجات مختلفة والفنان لو متعرضش عليه أعمال مناسبة الاعتزال الحل.
