عمر كمال في أبرز تصريحاته التلفزيونية: الزواج العرفي كويس.. وعايز أتجوز بس ميكونش عندي عيال
حل الفنان عمر كمال ضيفا على أحد البرامج التليفزيونية، حيث كشف خلال لقائه العديد من الأسرار عن حياته الشخصية والفنية، بالإضافة إلى الحديث عن علاقته بوالدته، مؤكدا أنه عانى في بداياته الفنية وتحمل الصعوبات، لذلك كان سعيدًا بالنجاح الذي حققه.
ونستعرض فيما يلي أبرز تصريحات عمر كمال في اللقاء:
-أنا خريج صنايع.. وفي كلمات فى أغاني المهرجانات مش كويسة.
-تعبت وقاعد 30 سنة بشتغل ودورى جالى وعمرى ما بصيت لحد خالص.
-أحنا بنت وثلاث أولاد، وبعد وفاة والدى كل واحد راح يشتغل فى سكته وأمي بتحبني وتدعيلي.
-حظى وحش فى الارتباط، وأمى عمرها ما عرضت عليا عروسة.
-حمو بيكا لازم يمثل لأنه شبه طلعت زكريا، ولكن أنا دمى واقف ومش مقبول في السينما.
عمر كمال: لو حد ضربني غصب عنه استحالة أضربه
-نزلت أول مرة رمسيس كان معايا عشرة جنيه في جيبي.. وروحت اشتغلت في مطعم في وكنت باخد 300 جنيه في الشهر.
-مفيش حد في الحياة يضرب حد من الجمهور بالقلم.. لو حد ضربني غصبن عنه استحالة أضربه.
-كل فترة لازم أزور الطبيب النفسي وأفضي كل اللي جوايا، السنة اللي فاتت مكنتش كويس ولا في أحسن حالاتي لكن السنة دي أفضل.
-حبيت مرتين ومنجحتش وانتهت كل القصص عادي.. والزواج العرفي كويس والعلاقات على النت كتير.
-في فترة ما مكنتش متزن نفسيا ولما اللي كنت مرتبط بيها سمعت الكلام كان لها رد فعل غاضب.
- أنا عايز أتجوز بس ميكونش عندي عيال.
-الخلفة مسئولية تقيلة ووجع قلب ومش هعرف أربي ولا هكون أب حنين وهبوظ الولد.
