بخفف العبء عنهم.. شاب يطلق مبادرة لتوصيل مرضى السرطان للعلاج دون مقابل
تتراكم الأعباء على مرضى السرطان دائمًا، ويظل العبء الأول بالنسبة لهم الطريق إلى المستشفى لتلقي العلاج الدوري لهم، وخاصة أهالي الصعيد.
مبادرة لتوصيل مرضى السرطان
محمود جمعة، شاب، أعلن عن تدشين مبادرة لنقل مرضى السرطان بالمجان، في محاولة منه لتخفيف العبء عن كاهل المرضى.
وقال محمود جمعة في تصريحات خاصة لـ القاهرة 24: أقبلت على تقديم مبادرة خيرية، وهى توصيل مرضى السرطان إلى المستشفى للعلاج دون مقابل، لأن المسافة طويلة ومفيش مواصلات متوفرة للذهاب والعودة، وأى عربية خاصة هياخدها المريض هتاخد منه فوق الـ500 جنيه والمبلغ ده غالى عليه.
محاولة لتخفيف الأعباء عن المرضى
وأضاف: بخاف إن معاد الدكتور يفوت على أي مريض بسبب عدم توافر مواصلات، أو عدم توفر المال معه، وجاتلى من هنا فكرة إنى أوصل الناس المرضى إلى المستشفى دون أي مقابل، وهدفي الأول والأخير هو تخفيف الحمل والعبء على الناس.
وتابع: بحب أساعد الناس، ومتعودتش أشوف حد تعبان أو محتاج مساعدة ومقدملوش ده، وانا مبحبش أعلن عن أي عمل خيري بقدمه، لكن أنا نشرت البوست علشان اللي مش عارف يروح المستشفى يشوف رقمى، ويكلمني أوصله وأوفر عليه المواصلات.
