البعد الله يجازيه.. ننشر كلمات أغنية اللي يقابل حبيبي لـ شيرين عبد الوهاب قبل طرحها| خاص
تطرح الفنانة شيرين عبد الوهاب أغنيتين جديدتين خلال الأيام القليلة المقبلة، تحمل إحداهما اسم اللي يقابل حبيبي، والأخرى بتمنى أنساك، وذلك بعد فترة غياب فني.
كلمات أغنية اللي يقابل حبيبي
وحصل القاهرة 24 على كلمات أغنية اللي يقابل حبيبي، المقرر أن تطرحها شيرين عبد الوهاب قريبا، وجاءت كلماتها على النحو التالي: اللي يقابل حبيبي سلامي أنا له، لو بيني وبينه إيه ده مهما كان حبيبي والبعد الله يجازيه.. اللي يقابل حبيبي ياخد صورة معاه يبعتها من وراه أسرح في عيون حبيبي وأحكيله عن الحياة.
وتابعت كلمات الأغنية: غريبة الدنيا دي تقرب الحبايب وتلاقي الفرحة جاية تغرب الحبايب.. لا رحمت اللي اتساب ولا ريحت اللي سايب.. ربي العالم بحالي وإني من يوم ما غاب بتحايل على الغياب يرجعلي حبيبي ونقفل للبعد باب.. يا ليالي قربيه حنني قلبه وهاتيه، ومسيره في حضني يجيلي وأحكيله حصلي إيه.
أزمة شيرين عبد الوهاب مع قناة روتانا
وسبق وأعربت شيرين عبد الوهاب عن استياءها الشديد بعد بيان شركة روتانا، الذي أصدرته أمس، مؤكدًة أنها إذا تعرضت الشركة لها ستطلب تعويض لا يقل عن 100 مليون دولار أمريكي، وقالت الفنانة شيرين عبد الوهاب في تصريحات لـ القاهرة 24، إن شركة روتانا تزعم أنها لم تتسلم مني الأغاني المتفق عليها، فكيف لم تتسلمها وهي طرحت بالفعل 4 أغاني من قبل، ولكن في حقيقة الأمر شركة روتانا تحارب شيرين عبد الوهاب من أجل امتلاكها في الحفلات واللايف، وليس فقط في الأغاني، موضحة: روتانا واخده أوردر أنها تقعدني في البيت، روتانا بتحارب شيرين عبد الوهاب، كل شوية يقولوا هنعملك حفلات ودا مش اللي إحنا اتفقنا عليه.
