واخدين بعض عن حب.. زوجة عم عريس كفر الدوار تكشف سبب خلاف العروسين
تصدر فيديو لعروس بكفر الدوار يظهر على وجهها الاستياء خلال مقابلته الأولى لعريسها في محل صالون التجميل، قبل بدء مراسم الاحتفال بالخطوبة.
زوجة عم العريس تكشف سبب الخلاف
وقالت زوجة عم عريس كفر الدوار الذي يدعى محمد الملاوي: دي شبكة مش فرح، وكان في سوء تفاهم بينهم، والعروسة كانت زعلانة عشان كان لابس قميص وهي عاوزاه يلبس لون الفستان.
العروسين واخدين بعض عن حب
وأضافت لـ القاهرة 24: أي واحد وخطيبته بينهم مشاكل عادي، وكلنا كنا فرحانين ومبسوطين وأهلها قابلونا أحسن مقابلة، والعروسين واخدين بعض عن حب، وعيلة العريس عيلة كبيرة ومينفعش يتقال عنهم كده.
وتابعت زوجة عم عريس كفر الدوار، قائلة: مفيش بنات بتتغصب على الجواز، وصاحبة الكوافير عاوز تاخد التريند.
وفي نفس السياق، قال محمد الملاوي، عريس كفر الدوار، لـ القاهرة 24: مكنتش متوقع كل المشاهدات اللي حققها الفيديو ولا التريند، وهي الميكب أرتست اللي نزلت الفيديو ومكنتش عايز الموضوع يوصل لكدا خالص، ومش عايزين الفيديو يتنشر أساسًا، وصاحبة العريس هي اللي طلبت تنشر الفيديو.
وأضاف محمد الملاوي عريس كفر الدوار، الذي ظهر برفقة عروسته بالكوافير وهي بملامح وإيماءات حزينة، العروسة مكنتش زعلانة، ومكنش في زعل ولا حاجة، واللي الفيديو كان عادي، وهي كانت فرحانة وعاملين خطوبة ومسرح، والخطوبة كانت أول إمبارح.
