شادي شامل لمنتقديه: هو عبد الحليم مكنش بيلبس سلاسل؟.. وبعمل بوتوكس كل فترة
رد الفنان شادي شامل، عن انتقادات البعض له بسبب ارتدائه عددا من الإكسسوارات، موضحًا: هو عبد الحليم حافظ مكنش بيلبس سلاسل مثلًا.
قال شادي شامل، في تصريح خاص لـ القاهرة 24: هو عبد الحليم حافظ مكنش بيلبس سلاسل مثلًا.. كان بيلبس كل الحاجات الشبابية لكن مكنش في وقتها سوشيال ميديا.
وبشأن موقفه من عمليات التجميل، رد شادي شامل: بعمل بوتوكس ومش عيب ولا حرام وبروح مع زملائي فنانين رجالة عادي وكل فنانين العالم بيعملوا، والبوتوكس مش عملية تجميل.
وفي وقت سابق، تحدث شادي شامل مؤخرًا عن تفاصيل طلاقه، حيث قال في تصريحات تلفزيونية: كنت متجوز وأنا عندي 23 سنة، ست فاضلة جدًا ومحترمة وبنت ناس وكل المواصفات الحلوة فيها، وهي كانت أول حب حقيقي في حياتي، وخلفت منها ولدين، حبيتها، هي كانت مثالية في كل حاجة وأنا كنت بتاع بنات وصايع، وقولت معقول دي بنت مؤدبة أوي وشاطرة وجميلة.
وتابع شادي شامل: اتجوزنا مدة طويلة والانفصال جه من عند ربنا وعلاقتنا جميلة لغاية دلوقتي والولاد قاعدين ما بينا، فيه احترام وده المهم جدًا، وأنا عمري ما اختلفت مع أي بني آدم ومكنش فيه بينا احترام.
وأوضح شادي شامل: أكيد حبيت تاني بعد انفصالي، وبفكر في الارتباط تاني إيه المشكلة، أنا بحب الست الهادية اللي أقولها إني مش عايز اتكلم دلوقتي يبقى مش عايز اتكلم، ولما أخد جنب تسيبني آخد جنب، أنا عصبي جدًا.
