بمظهر كائن فضائي.. فتاة تخطف أنظار المارة في شوارع الإسكندرية
خلال الساعات الماضية، تداول مستخدمو مواقع التواصل الاجتماعي، فيديو لفتاة تسير بمظهر كائن فضائي في شوارع الإسكندرية، وهذا ما آثار دهشة وتعجب المارة.
فتاة تخطف أنظار المارة في شوارع الإسكندرية
وتحدثت مارينا مجدي صاحبة الميكب السينمائي في تصريحات خاصة لـ القاهرة 24، عن تفاصيل ميكب الكائن الفضائي: من فترة قريبة فكرت أني أرجع للميكب السينمائي والحاجات اللي كنت بعملها من فترة، ولقيت إني بعمل ماسكات حلوة، قولت ليه منزلتش بيها الشارع وفعلا عملت كده وكنت بشوف أجانب كتير بتعمل كده.
وواصلت: الناس كانت مستغربة من شكلي جدا، بس محدش قال كلمة سلبية، وفيه ناس قليلة جدا قالتلي شكلك حلو أوي.
وعن كيفية تعملها للميكب السينمائي، قالت مارينا: كنت في كلية حقوق بس بشارك في الورش المسرحية ولما في مرة كان فيه حد بيشتغل قدامي الميكب السينمائي، وبدأت أعمل سيرش وأعرف إزاي الميكب ده بيتعمل، وبعد كام مرة بدأت أعمل ماسكات كائنات فضائية وكده، ونزلت فيديوهات ليا في وقت الكورونا وكان بيجلي مشاهدات كتير.
أكملت: كان نفسي جدا أدخل كلية فنون جميلة لكن للأسف مجموعي مجبش فدخلت حقوق وبعدها روحت المعهد العالي، ونفسي أجيب ماتريال جودتها أعلى وأطور من نفسي أكتر في المجال ده لأني بحبه.
