رانيا فريد شوقي: فنانين كتير قاعدين في بيوتهم مش لاقيين شغل.. والتيك توك حرية شخصية |فيديو
أكدت الفنانة رانيا فريد شوقي، أن الفنان أحمد عزمي ممثل مجتهد ويستحق الكثير، وإنه يوجد العديد من الفنانين من الجيل السابق لا يجدون فرصة عمل حاليا.
وقالت رانيا فريد شوقي خلال لقائها مع القاهرة 24، عن الفنان أحمد عزمي: اتقابلنا في الدراما في أعمال كتير، بس أدوارنا مكنتش بتلتقي وإن شاء الله قريب نلتقي، هو ابن أصول وجدع ومتربي ويعرف الأصول، وعزمي اشتغلنا مع بعض في مسلسل الملك لير، هو وش مصري أصيل ويستحق كتير.
وأردفت رانيا فريد شوقي: في الفترة اللي فاتت كان في وجوه كتيرة جديدة طلعت وده مش غلط، لكن لازم نعمل توازن بينهم وبين الممثلين اللي قبلهم اللي قاعدين في البيت دلوقتي، ومهنة التمثيل مهنة على باب الله والممثلين أرزقية، وبقيت بتعمل مسلسل واحد في السنة ده برضه صعب.
كما كشفت رانيا فريد شوقي رأيها في دخول نجوم الفن للتيك توك، وعلقت: دي حرية شخصية إن الفنان يطلع على التيك توك، لأنه بني آدم عادي والناس كدة كدة بتنتقد.
جدير بالذكر، أن مسلسل المداح 3، يعد آخر أعمال رانيا فريد شوقي الدرامية، والذي عرض في عام 2023، وشارك في بطولته كل من الفنان حمادة هلال، خالد سرحان، هبة مجدي، وآخرين، والعمل من إخراج أحمد سمير فرج.
