السيرة أطول من العمر.. كيف توسط هشام سليم لفنانة شهيرة لتزور بيت الله؟
وتبقى السيرة ويبقى الآثر، فيرحل الإنسان ولكن يبقى آثره وما تركه في حياة الآخرين، نجمنا هو فنان شهير، خرج من بيت أصيل، تعلم فيه كيف يساعد الآخرين؟، كيف يُحقق آمانيهم؟، فمساعدة الغير هو القانون في بيت الراحل صالح سليم، الذي ربى نجله هشام سليم على مساعدة المحتاجين دائمًا.
وفي الذكرى الثانية لـ وفاة هشام سليم، نذكر موقفًا لا يُنسى للراحل، كانت روته الفنانة نشوى مصطفى في إحدى حلقات برنامجها، حيث قالت: كنت بشتغل في أحد الأعمال مع الفنانة ثريا إبراهيم، واللي طلبت مني أوصلها لأقرب مكان، عشان تأخد تاكسي، فقلتلها أنا أوصلك لحد البيت وفي السكة قالت لي أنتي عارفة يا نشوى مين اللي جابلي الشقة اللي رايحين فيها دلوقتي.. شريهان جابتها ليا لما عرفت إني من طنطا، ومعنديش شقة في القاهرة، وبأضطر آجي كل يوم لـ القاهرة عشان العرض المسرحي شارع محمد علي، وقتها قالت لي اختاري الشقة اللي تحبيها وأنا هدفعلك تمنها، وفعلًا جابتلي الشقة.
ذكرى وفاة هشام سليم
وتابعت نشوى مصطفى: هشام سليم لما عرف قالي فرشتيها ولا لسه يا ماما ثريا؟، فقولتله فرشتها فقالها يا خسارة كان نفسي أفرشها لكِ، فقولتله لو عايز تعملي حاجة طلعني أحج، فـ ثاني يوم لقيت شركة سياحة بتتصل بيا وبتقولي إن هشام سليم دفعلي فلوس الحج، وكانت وقتها 50 ألف جنيه وإداني كمان فلوس عشان تكون معايا في الحج.
وأضافت نشوى إبراهيم: لا هشام سليم ولا شريهان عمرهم ما اتكلموا ولا كانوا بيقولوا القصة ديه، ولولا ثريا إبراهيم هي اللي حكت الحكاية ديه مكناش عرفنا.. ولاد الأصول بيعملوا الخير في السر لأنها تجارة مع الله.
