طلعت برضاها.. مواجهة نارية بين فتاة إندرايف والسائق بعد اتهامه بالتحرش بها | بث مباشر
اتهمت فتاة تدعى أميرة جمال، وتبلغ من العمر 22 عاما، سائق إندرايف يدعى حسين، بالتحرش بها خلال توصيلها إلى مدينة نصر.
فتاة تتهم سائق إندرايف بالتحرش بها
ومن جانبه رد السائق على اتهامات الفتاة، قائلا في تصريحات لـ القاهرة 24: أنا كنت شغال في أبلكيشن التوصيل، وجالي الطلب الساعة واحدة و45 دقيقة، المشوار كان لمدينة نصر أوبر اسكوتر، وفي أثناء الرحلة هي اتكلمت معايا في أمور خارجة عن الرحلة، وطلبت مني تسجيل رقمها الخاص وقالت لما تحتاج حاجة كلمني.
وتابع سائق إندرايف أن الفتاة تحدثت معه عن نفسها وسألتها خريج أي كلية، فأخبرها أنه خريج معهد عالي سنتين، وأنه أوصلها إلى مكان الرحلة في مدينة نصر.
وأضاف سائق إندرايف: الساعة تلاتة الفجر كلمتني وقالتلي تعالى خدني عايزة أروح سقارة، قولتلها أنا في التمرين صعب أتحرك دلوقتي، وعندما ألحّت عليا أروح لها روحت وهزرنا مع بعض وعندي شات بالكلام ده.
واستكمل سائق إندرايف: في أثناء الطريق طلبت منها نروح على الحدايق نقعد مع بعض، ووافقت على كده وفعلا روحنا وقعدنا في شقة لوحدينا، والصبح لما نزلت كلمت واحد صديقها وبعتتله اللوكيشن على حدايق القبة علشان ييجي ياخدها.
وتابع: اتفاجئت ببوستات على السوشيال وإنها عملت فيا بلاغ وروحت لقسم الشرطة واتهمتها أنا كمان بالتشهير، ولما المباحث قالوا هتتعرضوا على النيابة بكره الصبح هي قالت خلاص هنتنازل، وعملنا محضر بعدم التعرض، والنهاردة اتفاجئت إنها بتنزل صوري ومنشورات تاني على الفيس بوك.
