بعد إعلان حملها.. سلمى أبو ضيف: التنمر على حجم بطني مش مقبول وهاخد إجراء
أعربت الفنانة سلمى أبو ضيف، عن استيائها من التنمر على حجم بطنها، وذلك بعد إعلان حملها، مشيرةً إلى إنها لن تقبل أي إهانات أو تنمر بعد ذلك، وسوف تتخذ إجراء قانوني ضد المتنمر.
وكتبت سلمى أبو ضيف عبر حسابها بموقع إنستجرام، منشور قالت فيه: التنمر على حجم بطني ده نوع من أنواع التنمر المقزز، أنا عشت عمري كله بتتنمروا على وزني الرفيع، ودلوقتي بتتنمروا على بطني، لحد ما بقيت مش هبينها تاني خلاص.
وأضافت سلمى أبو ضيف: طول عمري بسكت على أي تنمر، ومن وقت ما بدأت كاريري، بسكت، لكن الناس بتتمادى، ومش هستحمل تاني أبدا أي نوع من الإهانة أو التنمر، وأي حاجة زي دي هقابلها باتخاذ إجراء قانوني.
سلمى أبو ضيف تعلن حملها
وسبق وفاجأت سلمى أبو ضيف، متابعيها، بإعلان حملها بطفلها الأول، وذلك بعد أشهر من زواجها، وشاركت سلمى أبو ضيف، متابعيها، صورتها عبر حسابها الشخصي بموقع إنستجرام، وظهرت بفستان وردي فضفاض، كما ظهرت بوضوح علامات الحمل من خلال بطنها المنتفخة، كما زينت شعرها بتاج من الورد لتكشف عن جنس الجنين، وتوضح أنها فتاة.
وعلقت سلمى أبو ضيف على صورتها قائلة: في 19 سبتمبر 2024، كتبنا جوابا أنا وإدريس عشان نوثق فيه مشاعرنا بكلمات، ونقولك قد إيه إن احنا محظوظين إنك هتبقي بنتنا، إنتي عارفة، بيقولوا إن الأرواح قبل ما توصل الأرض دايمًا بتختار من يكون باباها ومامتها، وأنا بشكرك وبشكر ربنا للحظة اللي باركنا فيها بيكي، بأعظم نعمة في الدنيا.
