بعد بيع المطعم.. صبحي كابر لـ القاهرة 24: اتنصب عليا والناس ذلتني وهفتح مطعم جديد قريب
كشف صبحي كابر صاحب مطعم صبحي كابر الشهير في روض الفرج، تفاصيل تعرضه للنصب، ما اضطره لبيع المطعم، مؤكدًا انتهاء الأزمة وافتتاحه لـ مطعم جديد قريبًا.
أزمة بيع مطعم صبحي كابر
وقال كابر في تصريحات خاصة لـ القاهرة 24، إنه تعرض لواقعة نصب كبيرة، وكانت في صفقة ذرة، وهو الأمر الذي تسبب في تعثره ماليًا، ولم يجد أمامه سوى بيع المطعم، مشيرًا إلى أنه باع المحل فقط وليس “براند صبحي كابر”.
وأضاف: أنا اتذليت قوي، والناس اللي بعت ليهم المحل خلوني كومبارس عندهم، وأعمل ليهم فيديوهات.. وصفحة الفيس بوك والمزارع وبراند الاسم كله ده لسا بتاعي، اللي اتباع بس هو المحل، وقريب هرجع أقوى من الأول زي ما بدأت على باب الله، وأنا بطمن الناس عليا.
واختتم صاحب مطعم صبحي كابر تصريحاته قائلًا: أنا موجود وعندي كل حاجة، والمحل بعته بحوالي 150 مليون جنيه علشان أسدد الفلوس اللي عليا، والمزارع بتاعتي والفاكهة والخضروات وكل حاجة لسه معايا، وبجهز عشان افتتاح المطعم الجديد وأبدأ تاني من الأول بعد الاختبار اللي اتعرضت ليه ده.
