المالك الجديد لمطعم صبحي كابر: مستعد أرجعله المحل بس عايز فلوسي
كشف ممدوح الإمام، أحد ملاك شركة الإمام للسيارات، تفاصيل الصفقة التي تم توقيعها مع صبحي كابر، صاحب محلات كابر الشهيرة لبيع اللحوم والجزارة.
المالك الجديد لمطعم صبحي كابر: مستعد أرجعله المحل بس عايز فلوسي
ووجه ممدوح الإمام في تصريحات له مع القاهرة 24، رسالة خاصة إلى صبحي كابر، قائلًا: مستعد أتنازل عن المحل، بشرط إن صبحي يديني كل الفلوس اللي اديتهاله بإيداع البنك فقط.
وأضاف الإمام: أنا عايز صبحي كابر يديني الفلوس اللي سلمتهاله بأوراق البنك، ومش عايز المحل خالص بعدها، معقبًا: صبحي كابر بيبيع الحاجة وعينه فيها، وبيحب الشو الإعلامي.
صفقة شراء محلات صبحي كابر
وقال صاحب صفقة شراء محلات صبحي كابر: صبحي سرق صفحة السوشيال ميديا مني، ومعايا عقود بالكلام ده كله، هو باع لي المحل بالعلامة التجارية ومعي أوراق وعقود تثبت صحة هذا الحديث، ومن ضمن عقود البيع، إن سلسلة محلات صبحي كابر مش هتتكرر في مصر تاني غير المحلات اللي موجودة.
واختتم ممدوح الإمام حديثه بإعلانه عن مصير العاملين في محلات صبحي كابر، قائلًا: هنشتغل أكتر من الأول ومش هقطع عيش حد، والـ1700 عامل اللي موجودين في المحلات قاعدين ومش هيمشوا.
