مصور واقعة فبركة سحر مؤمن زكريا بالتحقيقات: طبعت الصورة بـ 10 جنيهات| انفراد
قررت جهات التحقيق، إحالة المتهمين في فبركة واقعة سحر اللاعب مؤمن زكريا إلى المحكمة الجنائية المختصة، على خلفية اتهامهم، باختلاق واقعة العثور على أعمال سحر سفلية للاعب الأهلي السابق.
وحصل القاهرة 24 على نص التحقيقات في واقعة فبركة السحر للاعب السابق مؤمن زكريا، واستمعت جهات التحقيق لأقوال صاحب الاستوديو ويدعى ماهر.
أقوال المصور في فبركة واقعة سحر مؤمن زكريا
وقال المصور في واقعة سحر مؤمن زكريا: اللي حصل إني شغال مصوراتي وعندي استوديو في الإمام الشافعي، ومن حوالي أسبوعين جاتلي البنت اللي معايا بره دي ومعاها عيل صغير أول مرة أشوفهم، ومعرفهمش وكان معاهم صورة مؤمن زكريا على التليفون وقالتلي عاوزة تطبع أربع صور فوري، قولتلها معنديش فمشيت.
وأضاف: تانى يوم جالي العيل الصغير اللي كان معاها وجاب موبايله، وكان معاه صورة مؤمن زكريا على التليفون، وقالى إنه عاوز يطبع صور لمؤمن زكريا فقولتله تمام، وأخدت الصورة وقولتله الحساب أربعين جنيه واديته وصل، وقولتله تعالى بكره خد الصور وجه تاني يوم استلم الصور ودفع الأربعين جنيه.
فبركة واقعة سحر مؤمن زكريا
وتابع: معرفش كان عاوز يعمل بيهم ايه، وامبارح الساعة 4 جه ميكروباص أحمر في ضابط مباحث وأمناء شرطة سألني الاستوديو فاتح؟ قلتله اه.. وقالي انت ماهر قولتله أيوة، ولقيته اتصل بالتليفون على بنت وسألها انتى طبعتي الصور عند ماهر قالتله اه، فقفل التليفون ورحت معاه على القسم وبيتوني واتعرضت على النيابة الصبح وده كل اللي حصل.
