أميرة أديب في أبرز تصريحاتها مع صاحبة السعادة: مش شايفة غلط إن بابا يديني مليون جنيه
تحدثت الفنانة أميرة أديب، عن العديد من الأسرار حول حياتها الشخصية، بجانب الكشف عن جديد أعمالها الجديدة.
ونستعرض لكم في السطور التالية أبرز تصريحات أميرة أديب خلال لقائها في برنامج صاحبة السعادة:-
-أهلي ربوني إني أعتمد على نفسي، أول مرة سافرت لوحدي كان عندي 12 سنة معرفش إزاي.
-رحت أمريكا فرشت البيت ومحستش بأي حاجة غريبة وكنت جاهزة جدًا إني أعيش لوحدي.
-ابتديت أعلم جمباز ورقص في الحضانة عشان أحوش واسافر.
- أمي كانت بتحاول تعودني أبقى مستقلة، ماما قالت عايزة موبايل أو جيتار أي حاجة غير أساسيات الحياة، هتجبيها لنفسك.
-الناس كلها من برة بتقول أكيد أبوها بيديها مليون جنيه في الساعة أو اليوم أي حاجة عايزاها بيجبهالها، وأنا مش شايفة إن دة أصلًا غلط.
-أحضر لأغنية مفهومة أكتر من أغنية كارت محروق وفيها رسالة.
-سميحة أيوب قالتلي إنتي هتبقي ممثلة مهمة جدًا ونجمة شباك.
-أنا قررت أكون شخصية مسؤولة عن نفسي، منذ 6 سنوات وده لأن أهلي في البداية كانوا رافضين أني أدخل مجال التمثيل.
-أنا شخصيتي بعيدة عن عائلتي تمامًا، غير أني قررت أن أرفع شعار لن أعيش في جلباب أبي.
وقدمت أميرة أديب العديد من الأعمال خلال الفترة السابقة وكان آخر أعمالها في الجزء الثاني من مسلسل وبينا معاد، تأليف وإخراج هاني كمال وشارك في العمل كل من شيرين رضا، صبري فواز، مدحت صالح، بسمة، وفاء صادق، محمد سليمان، دنيا جمعة، هاجر الشرنوبي، أسامة الهندي، أية سليم وآخرين.
