تجديد حبس والد الطالبة جنى ونجله الأصغر لاتهامهما بالتسبب في وفاتها بالمقطم
قرر قاضي المعارضات، تجديد حبس والد الطالبة جنى ونجله الأصغر، لاتهامهما بالتسبب في وفاتها بمنطقة المقطم لمدة 45 يوما، كما قررت جهات التحقيق إخلاء سبيل شقيق الطالبة جنى الأكبر على ذمة القضية.
تجديد حبس والد الطالبة جنى ونجله الأصغر لاتهامهما بالتسبب في وفاتها بالمقطم
وحصل القاهرة 24 على نص تحقيقات القضية رقم 1008 إداري المرج لسنة 2024، وجاءت أقوال والد الطالبة جنى المتهم بخطفها كالآتي: أنا شغال سائق تاكسي وعندي 58 عاما، وبسؤاله عن اتهامه بخطف المجني عليها؛ أجاب: لاء طبعا مفيش أب بيخطف بنته.
وأضاف والد الطالبة جنى: اللي حصل أن أول يوم عيد الأضحى الماضي حوالي الساعة 7:30 مساء، أخدت ولادي الاتنين يوسف وأحمد وطلعنا على منطقة المقطم عند بيت خالة بنتي، وهناك شوفت بنتي جنى طالعة من صلاة العيد، وقولت لأولادي انزلوا هاتوها، وأخدتها وخليتها تكلم أمها تقولها أنا مع بابا واخواتي متقلقيش عليا وبعد كده طلعنا على البيت عندي.
وأكمل والد الطالبة جنى: روحنا البيت قعدنا وكلنا وكانت البداية كويسة، وتاني يوم وأنا بتكلم معاها عرفت أن هي كانت بتتعالج عند دكتور نفسي واتحجزت 25 يوما، وكلمت الدكتور وقالي أنتم السبب في اللي بيحصل للبنت.
