أحمد سليمان: لما بكلم بيراميدز لأجل التعاقد مع أي لاعب لـ الزمالك بيقولوا لا
كشف أحمد سليمان عضو مجلس إدارة نادي الزمالك أن هناك تشدد من بعض الأندية في التعامل مع نادي الزمالك بشأن ضم لاعبين لـ القلعة البيضاء.
تصريحات أحمد سليمان
وقال أحمد سليمان في تصريحات تلفزيونية: لو رفعنا سماعة التليفون على بعض الأندية بيتشددوا مع نادي الزمالك، ومن ضمنها نادي بيراميدز.
وأكمل: نادي بيراميدز بالنسبة لي علامة استفهام كبيرة في الكرة المصرية، وبيصرفوا مبالغ كبيرة، وأول ما ارفع سماعة التليفون عليهم بيقولوا لا.
وأضاف: وكلامي كمان لـ أندية الشركات بشكل عام، واتعاقدت مع لاعبين من الخارج تحت السن وفوق السن بـ ربع ثمن اللاعيبة المصرية.
وزاد: أندية الشركات بتصرف ملايين ومابتكسبش حاجة، لازم الأندية الشعبية ترجع.
وأتم أحمد سليمان تصريحاته التلفزيونية قائلا: في لاعب تعاقدت معاه، فوجئت أن النادي اللي اتعاقدت منه مع اللاعب، النادي المنافس ليا بيلوم النادي ده عشان أنا تعاقدت مع اللاعب.
