المتهم باستدراج سعودية وتصويرها: اتعرفنا على بعض في كافيه بالتجمع وقالتلي عايزة تستقر بمصر| خاص
كشفت التحقيقات في قضية اتهام شخص وزوجته باستدراج سيدة تحمل الجنسية السعودية داخل كمبوند بالتجمع الخامس، لمواقعتها وتصويرها متجردة من ملابسها وابتزازها للاستيلاء على أموالها، تفاصيل الواقعة.
أقوال المتهم باستدراج سعودية وتصويرها
ويواصل القاهرة 24 نشر أقوال المتهم باستدارج سعودية في التحقيقات في القضية وجاءت كالاتي:
س: ما ظروف ضبطك وإحضارك وعرضك علينا؟
ج: اللي حصل إن أنا حوالي الساعة 2:00 ص لاقينا باب الشقة بيخبط ولما فتحت لاقيت المباحث على الباب، وقالوا إنهم عاوزيني أنا ومراتي وأخدونا على قسم التجمع الخامس، ولاقيناهم بيقولوا إن فيه شكوى متقدمة فينا وعملوا محضر وجينا على هنا النهاردة ودا كل اللي حصل.
س: وما طبيعة العلاقة فيما بينك وبين المتهمة أميرة؟
ج: أميرة دي مراتي.
س: ومنذ متى تحديدا بدأت العلاقة الزوجية بينكما؟
ج: إحنا متجوزين من حوالي 18 سنة تقريبا.
س: وهل لديكما أولاد؟
ج: أيوه أنا عندي ياسين عنده 17 سنة ولميس عندها 15 سنة والين 8 سنوات وأحمد عنده 7 سنوات.
س: وهل ما زالت العلاقة الزوجية بينكما مستمرة؟
ج: أيوة.
س: وهل هناك خلافات فيما بينك وبين المتهمة أميرة؟
ج: في الأول مكنش فيه مشاكل بينا بس بعد الجواز بفترة حصلت خلافات عادية وكنا بنحلها مع بعض.
س: وهل هناك محاضر حررت بشأن تلك الخلافات؟
ج: لا مفيش محاضر بيننا.
س: وما طبيعة العلاقة فيما بينك وبين المدعوة آلاء وهل من ثمة خلافات فيما بينكما؟
ج: إحنا أصحاب وتعرفت عليها أنا ومراتي في أواخر أكتوبر أو أوائل شهر نوفمبر سنة 2022 ومكنش فيه خلافات بيننا.
س: ما بادرة تعارفك على المجني عليها آلاء؟
ج: في أواخر شهر أكتوبر عام 2022 كنت سهران أنا ومراتي أميرة في كافيه في التجمع الخامس وإحنا قاعدين في المكان دا لاقيتها جات عندي هي وجوزها، وتعرفت عليا أنا ومراتي وعرفتنا بجوزها اللي اسمه محمد وقعدنا مع بعض.
س: وهل دار بينك وبين سالفة الذكر حوار آنذاك؟
ج: أيوة.
س: وما مضمون الحوار تحديدا؟
ج: جات علينا واحنا قاعدين أنا ومراتي واتكلمت معانا وبدأت تتكلم مع مراتي أميرة وتتكلم معانا وسألت على عنوان سكنا فين وأنا قلتلها وبعد كدا قالت شغالين في أيه قولتلها إني عندي شركة أجهزة كهربائية وعندي محلات تابعة للشركة فقالت إنها سعودية وإنها فاتحة محل ورد في السعودية وهي عايزة تستقر في مصر وتفتح كافيه وتستقر هي وأولادها هنا في مصر وبعد كدا سهرنا مع بعض وأخدنا أرقام تليفونات بعض في اليوم دا ومشينا وهي نزلت ورانا لما نزلنا من المكان ولما خرجنا برا قالوا إنهم مروحين وطلبين أوبر يروحهم فأنا قلتلهم هي وزوجها اللي كان معاها واللي إحنا معانا عربية وعرضت عليهم نوصلهم لبيتهم.
