أسامة الهادي: "وبينا ميعاد" قدمني لشريحة كبيرة من الجمهور.. ومبضايقش من شائعات ارتباطي بالفنانات
تحدث الفنان أسامة الهادي، عن إمكانية وجود جزء ثالث من مسلسل وبينا ميعاد، وذلك بعد النجاح الكبير الذي حققه في الجزئين الأول والثاني خلال الفترة الماضية، بجانب الحديث عن مشاركته في مسلسل المعلم بطولة مصطفى شعبان، والذي عرض في السباق الرمضاني 2024.
وقال أسامة الهادي في تصريح خاص لـ القاهرة 24: مسلسل وبينا ميعاد الجزء الأول والثاني، قدمني لشريحة كبيرة من الناس، ولحد دلوقتي مفيش جزء 3 من المسلسل بس أتمنى.
كما علق أسامة الهادي، على شائعات ارتباطه بالفنانات اللاتي يتعاون معهن، قائلًا: بتبسط لما بيطلع إشاعات مع ممثلة اشتغلت معاها لأن ده ناتج أن الاتنين كويسين مع بعض، وده بيحسسنا أننا عملنا الشغل بشكل حقيقي لأنك ممكن تعمل دور حلو بس مش حقيقي.
أسامة الهادي عن شخصيته في مسلسل المعلم: المدمن مش مجرم
كما تحدث أسامة الهادي، عن شخصيته في مسلسل المعلم الذي عرض في السباق الرمضاني الماضي، قائلًا: المدمن مش مجرم هو ضحية لحاجات كتير، والدور كان بعيد عن شخصيتي الحقيقية وده اللي شدني ليه.. والتعامل مع مصطفى شعبان خطير.
أبطال مسلسل وبينا ميعاد2
وشارك في بطولة مسلسل وبينا ميعاد2، مجموعة من الفنانين منهم: شيرين رضا، صبري فواز، مدحت صالح، وفاء صادق، محمد سليمان، أسامة الهادي، والعمل من تأليف وإخراج هاني كمال.
