شاب يستغيث بعد فقدانه الحركة بسبب خطأ طبي: الدكتور قال لي اعمل جلسة علاج طبيعي
لجأ الشاب مصطفى إلى منصات التواصل الاجتماعي للكشف عن معاناته، بعد أن تسبب له خطأ طبي في فقدان قدرته على الحركة نتيجة عملية جراحية أجراها.
شاب يستغيث من تشخيص طبي خاطئ
وشارك الشاب مصطفى، فيديو عبر منصة تيك توك للتواصل الاجتماعي يدعي فيه، أنه تعرض لتشخيص طبي خاطئ من قبل أحد الأطباء المشهورين مما تسبب في إصابته بشلل كلي.
وفي تصريحات خاصة لـ القاهرة 24، قال مصطفى: عملت عملية غلط في الكتف في مستشفى خاص على ايد جراح، وتسبب في قطع بالأعصاب والوتر، وده خلاني أعمل عملية تانية أكبر منها عشان أصلح المشكلة.
وتابع: العملية حولتني من إنسان بيتحرك ويتمرن ويروح وييجي لواحد مش عارف يشيل زجاجة لتر ونص حتى، ومش قادر أرفع حتى الغطاء على جسمي، ولما كلمت الدكتور قالي دي التهابات روح أعمل جلسة علاج طبيعي، فعملت 25 جلسة، وكل ما أتصل بالدكتور في العيادة يتهرب مني.
وأردف الشاب قائلا: لما تيجوا تروحوا لدكتور روحوا لحد يطلب منكم فحوصات قبل العملية.. روحوا لدكتور كويس يتقى ربنا وفي قلبه رحمة، مش دكتور واخد مهنته سبوبه عايز 40000 و50000 جنيه.
وتابع الشاب قائلا: بسبب الدكتور ده أنا تعبت نفسيا وماديا وجسديا، مبقتش عايز أنزل من البيت ولا عارف أتمرن ولا أروح الشغل.
