لؤي يكشف سبب ابتعاده عن السوشيال ميديا: لو على التريندات كان زمانا عاملين مصايب من 2003
كشف المطرب لؤي، سبب ابتعاده عن مواقع التواصل الاجتماعي الفترة الماضية، بالإضافة إلى حديثه عن مفهوم التريند من وجهة نظره، كما أشار إلى أن كلمة تريندات جديدة على أبناء جيله.
لؤي يكشف سبب ابتعاده عن السوشيال ميديا
وقال لؤي في حواره مع القاهرة 24: كنت بعيد عن السوشيال ميديا، وربنا كرمني بفريق دلوقتي قادر يفهم أنا عايز إيه منه، وكلمة تريند بالنسبة لجيلنا جديدة، ولو على التريندات كان زمانا عاملين مصايب من 2003.
لؤي: صناعة الموسيقى تأثرت بضعف الإنتاج والجمهور
وفي السياق مختلف، سبق وأكد لؤي أن صناعة الموسيقى تأثرت بضعف الإنتاج والجمهور يهتم بتتبع عورات الغير فقط.
وقال لؤي خلال لقائه مع الإعلامية ياسمين عز في برنامجها كلام الناس المُذاع عبر شاشة أم بي سي مصر: فيه أزمة في حقوق الملكية الفكرية، وبقينا كـ مطربين ننتج الأغاني لنفسنا وطبعا دي مسؤولية كبيرة خاصًة أننا عندنا بيوت وناس ورانا.
أضاف لؤي: بقول للجمهور أنتوا متعرفوش الفنان دا بيصرف إزاي والتزاماته إيه، ومن بداياتي خالص كنت متعود يكون معايا شركات إنتاج، إنما دلوقتي مفيش إنتاج ودا بقى على عاتقي، والأغنية عمرها ما بتجيب عائد الإنتاج، وصناعة الموسيقى كمان مش بتجيب فلوس، ونشوف كام مطرب وملحن وموزع بعدوا عن الوسط بسبب الظروف دي، ومع ذلك احنا بنحاول نكمل؛ لأننا بنحب الفن.
