إسماعيل الليثي: ضاضا كان وش السعد على ناس كتير وزعلت من مراتي لما راحت فرح أختها
حل إسماعيل الليثي ضيفًا على برنامج واحد من الناس، الذي يقدمه الإعلامي عمرو الليثي، والذي كشف من خلاله عن الساعات الأخيرة في وفاة ابنه ضاضا.
وقال إسماعيل الليثي: كان عندي فرح في القاهرة واحنا داخلين قالي لأ مش عايز أدخل ومكنش بيحب حد يعامله أنه طفل ولما كنا راجعين قالي أنا هقعد النهاردة في إمبابة علشان ده آخر يوم قبل الدراسة ووقف اشترى حاجات كتير لأخواته من سوبر ماركت شهير على الطريق وقالي سيبني أجيب كل اللي أنا عايزة.
وأضاف: نزلت شغلي بعد وفاة ضاضا بـ 40 يوم، ولما خلصت الفرح فضلت أعيط لحد من ماوصلت البيت، وزعلت من مراتي لما نزلت فرح أختها وكلمتها وحصل بينا عتاب، وضاضا لما كان بيعمل فيديو لوالدته كان بيجلها شغل.
واستكمل قائلًا: ضاضا الناس كلها كانت بتحبه ووالدته فضلت تشتغل أكثر من 20 يوم متواصل بعد أن نشر لها فيديو على حسابة على السوشيال ميديا، ولما كان بينزل امبابة كانت الناس كلها بتيجي تقعد معاه، وكان مصاحب الناس كلها، ومكنش بيقولي غير يا أبورضا.
