أبرز تصريحات أحمد حافظ في ندوته بـ مهرجان القاهرة السينمائي
أقيمت ندوة لـ المونتير أحمد حافظ، على هامش فعاليات مهرجان القاهرة السينمائي، في دورته الـ 45 التي انطلقت في الأيام الماضية، وحرصت الفنانة جميلة عوض على حضور ندوة زوجها لدعمه ومساندته في هذا اللقاء، ولحظة حديثه عن مشواره الفني وكواليس تقديمه العديد من الأعمال.
ونستعرض فيما لقطات من تصريحات أحمد حافظ في ندوته بمهرجان القاهرة السينمائي:
ـ كانت جرأة كبيرة إني أسيب مصر وأسافر سنتين أصور moon knight.
ـ الموضوع كان كله صعوبات ورتم المونتاج بالإنجليزي كان غير العربي.
ـ خوفت لما أختفي سنتين عن مصر أتنسي.
ـ المساعد بتاعي قالي متلمش هدومك من الشنطة عشان أنت هترجع مصر تاني لأنهم مكنوش يعرفوني ولا شافوا شغلي.
ـ إحنا أشطر بكتير منهم، وبنشتغل 10 ساعات بس، ومواعيدهم كويسة لكن قررت أرجع مصر عشان هنا الأعمال بتبقى بتاعتك أنت.
ـ مخرج فيلم 45 يوم جابني كمونتير للعمل، وجهة الإنتاج كانت متخوفة مني لأني بالنسبالهم لسة عيل.
ـ كان في قواعد مكنتش عارفها وقتها لإني مدرستش في معهد السينما بس بالممارسة عرفت أكتسب كل حاجة.
وفي هذا الصدد، كانت مازحت الفنانة جميلة عوض زوجها المونتير أحمد حافظ خلال ندوته بـ مهرجان القاهرة السينمائي، حيث وجهت له سؤالًا: ليه قصيت مشاهدي في فيلم الضيف؟، ليرد عليها مازحًا: السؤال ده بيجنني.. ومش من حق الممثل يسأله.
