صدقي صخر: سعيد بنجاح رقم سري.. وممتن لتجربة البودكاست
أعرب الفنان صدقي صخر، عن سعادته بالنجاح الذي حققه مسلسل رقم سري، الذي يعرض حاليا عبر شاشة قناة DMC، والذي يعتبر الجزء الثاني من مسلسل صوت وصورة.
وقال صدقي صخر، في لقائه مع القاهرة 24: المسلسل متشاف جدًا والناس بتتفرج وتبعت لينا، وإحنا عندنا جمهور من الجزء الأول، ودي حاجة إحنا سعداء بيها ونتمنى العمل يفضل شادد الناس، التوليفة بتبان على الشاشة بين شخصيتي وشخصية البطلة من الجزء الأول، وده بيعمل اختلاف لشكل المسلسل.
أما عن خوضه تجربة البودكاست، فعلق صدقي صخر: أنا لقيت نفسي في تجربة البودكاست، وده بيجي من فضولي ناحية الضيف اللي بيجي وبيتحول لـ قعدة أكتر منها حوار، وأنا ممتن للتجربة دي واللي جه منها وأنا حقيقي بستفيد منها زي اللي بيتفرجوا.
كما كشف صدقي صخر، أنه سيغيب عن الجزء الثالث من مسلسل كامل العدد المقرر عرضه في رمضان المقبل 2025، وذلك بعد النجاح الكبير الذي حققه بالموسم الماضي في رمضان 2024.
مسلسل رقم سري
وفي سياق آخر، يعرض لصدقي صخر في الوقت الحالي مسلسل رقم سري، الذي يقدم فيه دور لطفي عبود المحامي، والعمل من بطولة ياسمين رئيس، صدقي صخر، نادين احمد، احمد الرافعي، عمرو وهبة، وعدد آخر من الفنانين، والمسلسل من تأليف محمد سليمان عبد المالك وإخراج محمد عبد التواب.
