هنا الزاهد: بلغي عقلي لما بحب.. وعانيت من التنمر في طفولتي
كشفت الفنانة هنا الزاهد كواليس عملها مع الفنان عادل إمام، كما تحدثت على تعرضها للتنمر في طفولتها، مشيرة إلى إنها عانت كثيرا بسبب نبرة صوتها.
وقالت هنا الزاهد خلال لقائها مع برنامج ضيفي: شاركت مع عادل إمام في مسلسل مأمون وشركاه، وبعد ما خلصناه كلموني قالولي عادل إمام طالبك بالاسم في المسلسل اللي بعده، وكلمني في التليفون قالي مكنش ينفع حد يعمل الدور غيرك وهو اللي قدمني للجمهور.
وأضافت هنا الزاهد: أنا بحب الحب وعمري ما حبيت بعقلي، هو حاجة ساحرة بتحصل لما بتشوف اللي بتحبه بس مش بحب من أول نظرة بل بـ أعجب بالناس من أول نظرة، وعمري ما حسيت بحب تجاه حد ومكملش، بحس إن الإنسان ده فيه حاجة والفراق بيؤلمني جدا، وبلغي عقلي لما بحب.
هنا الزاهد: عانيت من التنمر في طفولتي
وعن معناتها من التنمر في طفولتها، قالت هنا الزاهد: عانيت من التنمر على صوتي في طفولتي، وكنت بعيط لحد ما تأقلمت وعرفت إن أحسن صوتي ميكونش رقيق والواحد مش بياخد كل حاجة.
كما كشفت هنا الزاهد أحدث أعمالها الغنائية ولأول مرة تقدم دويتو غنائي مع الفنان تامر حسني، قائلة: عملت دويتو مع تامر حسني أغنية جديدة ضمن فيلمنا ريستارت وهتنزل في العيد، في أول تجربة ليا في الغناء بس هتكون أداء أكتر.
