سائلة: جوزي بيهينّي عشان بشتغل وبساعده في مصاريف البيت.. ومبروك عطية: مراتك اللي بتساعدك تبوس إيديها
تلقى الدكتور مبروك عطية، العميد السابق لكلية الدراسات الإسلامية بجامعة الأزهر، سؤالا من إحدى المتابعات نصه: جوزي بيهيني وبيهين أهلي وشايلة منه وبينا مشاكل كبيرة ومش عارفة أوصل لحل، وبشتغل وبساعده في مصاريف البيت وشتمني قدام الأولاد.
سائلة: جوزي بيهينني عشان بشتغل وبساعده في مصاريف البيت
وقال مبروك عطية خلال تصريحات تليفزيونية: مراتك اللي بتساعدك تبوس إيديها، دي مش رجولة، مضيفا: أنت مش قادر تدخل ومراتك بتساعدك، شرعا تبوس إيديها، ما تفعله غير منطقي.
وتابع مبروك عطية: عليك أن تشكر من يساعدك، فقال النبي: من لا يشكر الناس لا يشكر الله.
وفي وقت سابق، تلقى الدكتور مبروك عطية، العميد السابق لكلية الدراسات الإسلامية بجامعة الأزهر، سؤالا من إحدى المتابعات نصه: اتجوزت شهرين وحملت وعرفت إن زوجي مركب كاميرات جوه الشقة وفي كل مكان وفي الحمام ولما واجهته قالي لو مش عاجبك امشي ومشيت، ودلوقتي بيهددني بنشر فيديوهات لنا في غرفة النوم، وهيقول اللي في بطني مش ابني؟.
وقال مبروك عطية خلال تصريحات تليفزيونية: ربنا أعطانا التكنولوجيا لاستخدامها فيما يفيد وليس لتصوير مثل هذه الأمور، مضيفا: وارد جدا الزيجة تكون موفقة ووارد جدا تكون غير ذلك؛ لأسباب استحدثت مثل الكاميرا وتركيب الفيديوهات وغيرها من هذه الأمور الذي لا تصح، لكن إن شاء ربنا سينصرك عليه، وإن شاء الله ربنا يوكسه.
وتابع العميد السابق لكلية الدراسات الإسلامية بجامعة الأزهر: ربنا يصلح من شأنه، ويزيل الكاميرات وتتحل الأمور.
