الطالب ضحية هتك العرض على يد معلمته بالتحقيقات: راودتني عن نفسه وقالتلي مقدرش أستغنى عنك| خاص

لم يعلم الطالب الصغير إن ما تفعله مع مدرسة مادة اللغة الإنجليزية سيكون نهايته  هتك عرضه، حيث كان يظن أنها تعامله مثل أي طالب لديها، لكنها استغلت سلطتها عليه فراسلته بصور مخلة وإيحاءات وعبارات جنسية من شأنها إثارة الشهوة لديه، مستغلة حداثة سنه، وتوجهت رفقته لمحل سكنه حال تغيب ذوو المجني عليه، وذلك للتمكن من إتمام علاقة جنسية كاملة بينهما وما إن وصلت إلى مسكنه، حتى راودته عن نفسه، ووقع بينهما ما يقع بين الزواج أكثر من مرة، بمسكن لها ولاية عليه.

معلمة تهتك عرض طالب في الهرم 

حصل القاهرة 24 على التحقيقات في القضية التي حملت رقم 11919 لسنة 2023 إداري قسم شرطة البساتين والمقيدة برقم 24 لسنة 2023 حصر تحقيقات نيابة حلوان الكلية.

وقال الطالب المجني عليه، ضحية هتك عرضه على يد مدرسة مادة اللغة الإنجليزية أمام جهات التحقيق: هو اللي حصل إني أنا بدرس في مدرسة خاصة  في الهرم والمس بتدرسلي إنجليزي من سنة 3 إعدادي، كنت أعرفها عادي واحنا علاقتنا عادية خالص، وهي بتعملتي زي باقي الطلبة، والكلام كان عادي ما بينا ومكنش فيه حاجة، لحد ما طلعنا رحلة للفيوم تبع المدرسة، وهناك المعاملة بينا اختلفت شوية، وهي بدأت تقرب مني في الكلام وكانت بتقعد معايا كثير وبتكلم معايا بزيادة، واحنا مروحين من الرحلة  صممت أن هي تاخدني معاها البيت وأطلب أوبر من عند بيتها، وكلمت مامتي أقنعتها بكدة وماما وافقت، وهي مش متخيلة أن ممكن أي  حاجة تحصل بينا.

وأضاف المجني عليه في واقعة هتك عرضه على يد معلمته في التحقيقات: أنا فعلا روحت معاها على بيتها وطلعتني البيت ولقيت جوزها موجود وطلبلي أوبر، وأنا بعدها روحت ولقيتها بتكلمني تطمن عليا وتشوفني روحت ولا إيه، وساعتها مكنش في دماغي  وكنت بفكر إن الموضوع عادي وهي مدرسة وبتطمن عليا عادي يعني، ومن ساعتها واحنا بنتكلم على الواتساب، وكانت بتكلمني علطول تطمن عليا وتشوف أخباري إيه،.

وأضاف: الموضوع تطور أكثر بينا لما رحنا رحلة إسكندرية برضو مع المدرسة، وأنا مكنش معايا صحاب كثير من المدرسة فهي كانت معايا على طول، وبتيجي تقعد جنبي وتهزر معايا، وأنا مكنتش فاهم ليه كدة وبقول عادي دي مدرسة وأنا طالب مكنش في دماغي أي حاجة، وأنا حتى لقيتها مهتمة بيا زيادة في الرحلة ومسبتنيش خالص، وهي برضو روحتني معاها على البيت وطلبت أنا أوبر من غير ما أطلع البيت، وبعد ما رجعنا من الرحلة بتاعة إسكندرية وهي مروحة معايا في الباص بتاع المدرسة قالت ليا تعالى نتقابل باليل عايزاك في موضوع، قلت ليها أن أنا عندي درس قالتلي خلاص تعالى نتقابل قبل الدرس في كافيه وأنا وافقت ومكنش في دماغي حاجة وقتها ونزلنا اتقابلنا في المعادي.

الطالب:  مكنتش ببدال المدرسة نفس شعورها 

وأكمل الطالب ضحية هتك عرض مدرسته بالتحقيقات: لما نزلنا فضلت مستنيها حوالي نص ساعة وهي لما جت قعدت جمبي وقالت ليا أن هي بتحبني ومعجبة بيا بقالها فترة وحاسة من نحيتي بكدة، وأنا ساعتها مكنتش مستوعب الكلام، وأول مرة أتحط في الموقف ده، وأنا ساعتها مردتش ومعرفتش أقول إيه، ولما سكت كدة، هي قالت ليا أن هي عايزينا نفضل نتكلم زي ما إحنا كنا بنتكلم وكل حاجة تفضل زي ما هي، وأنا ساعتها اتوترت وقلت لها معاد الدرس بتاعي جه وإن أنا لازم أمشي، وقلتلها ماشي أنا معنديش مشكلة أن إحنا نفضل نتكلم زي ما إحنا عادي، وبعدها أنا روحت الدرس وكملنا كلام عادي بعدها فضلنا نتعامل مع بعض، وهي بدأت تتعامل معايا بحب وإنها بتحبني، وأنا مكنتش حاسس بكدة من ناحيتها وقتها بس كنت بكلمها وخلاص، ومكنتش عارف أتصرف، وفضلنا نتكلم مع بعض لمدة 6 أشهر تقريبًا وكانت بتخليني أكدب على ماما في البيت وتقولي قولهم إنك هطول في الدرس عشان ننزل مع بعض.

وواصل  الطالب ضحية هتك العرض على يد معلمته: نزلنا كدة أكثر من 5 مرات وقعدنا في كافيهات عادي محصلش حاجة، وهي كانت بتقعد تكلمني تقولي أنت واحشني تعالى ننزل مع بعض، وأنا كنت بقولها ماما مش هترضى عشان الامتحانات كانت بتقولي لا قولهم أنك هتطول في الدرس مثلًا، وتعالي نقعد مع بعض، وفي إجازة أهلى كانوا مسافرين الفيوم في البيت بتاعنا هناك وهي كلمتني وعرفت أن أنا لوحدي قالت ليا تعالى ننزل نروح السينما، وفعلا نزلنا مع بعض، وأنا بدأت ألاقي تصرفاتها بتتغير وإن هي بتحط إيدها على كتفي وبتمسك دراعي، وأنا الحاجات دي كانت أول مره يحصل معايا حاجه زي دي، ومكنتش فاهم وكنت بحس بحاجات غريبة في جسمي، وأول مرة تحصل معايا وخلصنا الفيلم وروحنا، وفضلنا تتكلم عادي ونتقابل عادي، وانا كنت بنزل أقابلها عادي.

قضت محكمة جنايات القاهرة الدائرة 16 جنوب برئاسة المستشار محمد حسني العالم رئيس المحكمة، وعضوية المستشارين محمد عبد الكريم والدكتور محمد عبد المنعم بركات الرئيسين بمحكمة استئناف القاهرة، في قضية التي حملت رقم 1037 لسنة 2024 جنايات قسم البساتين المقيدة رقم 58 لسنة 2024 كلي حلوان، بحبس معلمة لغة إنجليزية بمدرسة خاصة لمدة عام مع إيقاف التنفيذ بتهمة هتك عرض طالب بمنطقة الهرم.