محمد سامي: المسلسلات أصبحت عادات وتقاليد رمضان.. وماجد المصري خسر رهاني معاه على مسلسل البرنس
تحدث المخرج محمد سامي، عن العديد من الموضوعات بحياته العملية، وذلك خلال ندوته التي أقيمت ضمن فعاليات مهرجان البحر الأحمر السينمائي، بـ جدة.
وقال محمد سامي خلال الندوة: عمري ما فكرت في أعمالي إني أقدم مواضيع شاذة عن اللي الجمهور بيفكروا فيه، ولما بعمل حاجة فيها تشويق جوة الدراما، بحاول مخفيش كل الأدلة وأخلي الحل قريب من الجمهور، والذكاء إني أخليك قريب أوي، ووقت مسلسل البرنس كان ماجد المصري بيكلمني كل يوم يقولي هقولك اللي هيحصل الحلقة الجاية وأقوله هدفعلك ألف دولار لو طلع صح، وعمره ما جاب حاجة صح.
وأضاف محمد سامي، متحدثا عن المنافسة الرمضانية، حيث قال: دايما هنلاقي في مسلسلات حلوة أوي بس منجحتش في رمضان ومدخلتش دايرة المنافسة الرمضانية، وبعد رمضان الناس اتفرجت عليها ويقولوا قد إيه كانت حلوة، لأن المسلسل ممكن يكون حلو بس مش شبه رمضان، رمضان أصبح من العادات والتقاليد إننا بنتفرج على مسلسلات وإعلانات، وإننا نكون بنتعبد أكتر، في مواضيع بتكون حلوة بس متنفعش في رمضان، والتجارب على المنصات أصبحت أسهل.
محمد سامي: المخرج هو العنصر الأهم بالعمل الدرامي
وعن أهمية دور المخرج في العمل الفني، قال محمد سامي: السيناريو مهم لكنه الوسيط بين المخرج والجمهور، مينفعش أتوبيس يمشي من غير سواق، والمشرط مهم للدكتور بس مش هو اللي هيعمل العملية غير في وجود الدكتور، ولو هنحسبها كدة يبقى ألف السيناريو مع ورد وابعته للجمهور على باب بيتهم.
