هاجر حليم: الرجل بيطلق مراته بسبب والدته ويجري وراها تاني عشان يرجعها
أثارت الإعلامية هاجر حليم جدلا واسعا بسبب تعليقها عن أهمية التوازن في العلاقة بين الزوجة والأم، بعد حديثها قائلة: ما تخسرش مراتك بسبب مامتك، والدتك اللي ربت، ومراتك اللي هتربي أولادك، لو خسرت واحدة على حساب التانية، اعرف إنك اللي هتخسر في النهاية.
تصريحات هاجر حليم في برنامجها الجميلة والوحشين عبر قناة هي قوبلت بموجة من الانتقادات على منصات التواصل الاجتماعي، حيث رأى البعض أنها تضع الزوجة في مرتبة أعلى من الأم، بينما اعتبرها آخرون دعوة لمزيد من التفاهم بين الزوجين وأسرهم.
وردت هاجر حليم على هذه الانتقادات قائلة: اتهاجمت لما قولت متخسرش مراتك بسبب مامتك.. المشكلة أنكوا يا رجالة بطلقوا وتجروا ورا مراتاتكم عشان ترجعوهم تاني، والدتك اللي ربت ومراتك اللي هتربي أولادك.. فاعرف إنك أنت اللي هتخسر في النهاية لو خسرت واحدة على حساب التانية.. وبرضو مراتك مش ظل في حياتك دي أم تانية ليك.
هاجر حليم: أنا مش ضد الأم
وأضافت هاجر حليم: أنا مش ضد الأم، بالعكس، الأم عظيمة وليها كل التقدير، لكن مراتك شريكة حياة وليها حقوق زي ما ليك حقوق، بنات الناس مش جاية تعيش في صراع أو دور الضحية، الرسول عليه الصلاة والسلام كان بيكرم زوجاته وبيعاملهم بحب ورفق.
وأكدت هاجر أن حديثها ليس دعوة للصراع، بل رسالة للحفاظ على التوازن في العلاقات الأسرية قائلة: متخسرش مامتك طبعا، ومتخسرش مراتك أكيد.. لكن لو شايف إن زوجتك مجرد ظل في حياتك، يبقى عيب عليك، فكر كويس لأنك بتبني أسرة مش بتدير معركة.
