سمية الخشاب توجه رسالة جديدة للشباب: التعليم باظ والجواز بقى بالحساب البنكي مش بالشهادة
حرصت الفنانة سمية الخشاب على توجيه رسالة للشباب في تصريحات جديدة، حيث أكدت أن التعليم لم يعد كما كان من قِبل، وأن الزواج أصبح يعتمد على الحساب البنكي أكثر من الشهادة.
وكتبت سمية الخشاب مجموعة من النصائح لجمهورها، عبر حسابها الشخصي بموقع إكس، والتي جاءت: بلاش تراكيب البرفيوم اللي ريحته بتجيب صداع اصرف على ريحتك والناس متهربش منك، 16 رقم في البنك أحسن واقعيًا من 16 سنة تعليم، من يوم ما دفعة سمية الخشاب اتخرجت والتعليم باظ.
وأضافت سمية الخشاب: لما تأخد بنت date خدها مكان نضيف علشان تفتكرك بحاجة عدلة حتى لو متوفقتوش، الجواز مبقاش بالشهادة الحساب البنكي هو الأساس.
سمية الخشاب: طلع عيني في المذاكرة وبعد بكالوريوس تجارة مشتغلتش بالشهادة
وفي وقت سابق، ردت سمية الخشاب على انتقادات البعض تجاه ما قالته في منشور لها بخصوص التعليم، حيث قالت: التعليم لا يحدد مصير وأهم حاجة يستطيع الشخص يجيب فلوس ويتجوز ويسافر.
وقالت سمية الخشاب لـ القاهرة 24: أنا طلع عيني وذاكرت ودروس، ورايحة المدرسة وراجعة من المدرسة ورايحة الكلية راجعة من الكلية، وبعد بكالوريوس تجارة جامعة إسكندرية اشتغلت بالشهادة حضرتك؟ ده لو كنت درست الحاجة اللي بحبها من الأول أكيد مكنش ضاع سنين كتير ملهاش لازمة.
وأضافت سمية الخشاب: التعليم بيفرق كشكل وواجهة، لكن في كتير خريجين جامعات ومعندهمش فكرة عن أي حاجة، ومستوى الثقافة ضايع، في ناس كتير بتأيد كلامي في البوست وشايفين إني صح وعجبهم الكلام.
