عدلي القيعي: الأهلي يحتاج صفقات لرفع الكفاءة.. ومستني دور المحبين
تحدث عدلي القيعي، رئيس شركة الكرة السابق في النادي الأهلي، عن خسارة الفريق أمام باتشوكا المكسيكي في كأس الإنتركونتيننتال.
تصريحات عدلي القيعي
وقال عدلي القيعي: الأهلي محتاج دعم لأن الأهداف اللي جايه أكبر من اللي فاتت، المرحلة دي تزق لفوق، ولازم البدلاء يكونوا حاضرين بشكل ميكونش فيه حيرة من أمرك لو جالك إصابة أو واحد مش موفق ما تتهزش.
وأضاف: أتصور إن مفيش حد في النادي الأهلي مش مدرك للأمر، ده يبقى عبث يعني إن إدارة الأهلي ممثلة في رئيسه أو كل الأجهزة المسئولة تحته مش منتبهة لهذا الأمر.
وأشار عدلي القيعي في تصريحاته: احنا بنطالب مع الجماهير طمنونا وبسرعة هتعملوا ايه؟ وايه المستوى اللي هنقدر نعوضه وده دور الدعم اللي الأهلي مستنيه أحيانا يكون لو مزنوق في تدبير عمله من المحبين يدبرها وياخد بدالها مصري.
وأردف خلال تصريحاته: هي مش بخل وكرم لو موجود وانت ما بتصرفش يبقى بخل، الجمهور مالوش دعوة الجمهور بيقولك اتصرف انت مسئول تدعم وتدبر التمويل اللازم وعنده حق.
واختتم عدلي القيعي تصريحاته: خطوة التعاقد مع حمدي فتحي مطمئنه ولكن محتاجين أكبر منها محتاجين رفع الكفاءة في الميعاد المناسب.
