ناهد السباعي عن عدم مصافحتها حورية فرغلي في فيديو متداول: محبتش أقطع لقاءها
كشفت الفنانة ناهد السباعي ملابسات فيديو متداول لها منذ أيام، ظهرت خلاله وهي ترفض مصافحة الفنانة حورية فرغلي، ما وضع الأخيرة في موقف محرج.
وكتبت ناهد السباعي عبر حسابها بموقع إنستجرام: الموضوع كبر أوي، لكن أنا فاهمة تأثير أفعالي وعايزة أوضح الوضع المنتشر حاليًا، أنا باحترم كل زملائي في الصناعة وعمري ما أتسبب في أي إساءة عمدًا، وحابة أوضح سوء الفهم لأنه أنا متفاجئة من ردود الأفعال.
وواصلت ناهد السباعي: بالنسبة للموضوع اللي حصل، أنا ما سلمتش لأنها كانت وسط مقابلة والكاميرا شغالة، وما حبتش أقطعها، كان رد فعل تلقائي وعشان كده قررت أكتب رد عام عشان الكل يفهم الموقف، بعدين، إحنا سلمنا على بعض على المسرح.
أعمال حورية فرغلي
وفي وقت سابق، كشفت حورية فرغلي، تفاصيل أحدث أعمالها، خلال لقائها مع القاهرة 24 قائلة: أنا لو جالي حاجة حلوة وعايزنّي فيها أكيد هعملها، ولكن لو مجاليش حاجة هقعد في البيت، ولكن متعرضش عليا حاجة تخليني أوافق، عندي مسلسل 15 حلقة، وعندي فيلم فاضله يوم وينتهي تصويره، ولسه مش عارفة إمتى هيتم عرضهم.
