طلب وحيد من نجلي نبيل الحلفاوي لحظة تكريم والدهما.. فماذا قالا؟
أعرب المخرجان وليد وخالد الحلفاوي، أبناء الفنان القدير نبيل الحلفاوي، عن سعادتهما وامتنانهما بتكريم اسم والدهما الراحل بجائزة إنجاز العمر بمهرجان الأفضل بدورته العاشرة.
وقال وليد الحلفاوي، في كلمته خلال تسلمه جائزة والده: إحنا متشكرين جدًا، إنما إنجاز العمر الحقيقي بالنسبة لوالدي أن الراجل ده عاش عمره كله بيعمل اللي هو مقتنع بيه من أول بدايته ومرورًا أنه إتأثر بحبه للمسرح وساب التلفزيون والسينما وبعدين الظروف بقت أصعب ولكن مش عليه، وفضل يعمل اللي هو عايزه وبيخلي باله من بيته وأولاده، الناس كانت بتقوله متعلنش أنك بتشجع فريق معين عشان تكسب الجمهورين ولكنه أعلن وعمل اللي هو عايزه والزملكاوية كانوا بيحبوه.
كلمة أبناء نبيل الحلفاوي في مهرجان الأفضل لحظة تكريم والدهم
وتابع نجل نبيل الحلفاوي: كان بيتم دعوته على حدث مهم وكان وصل لسن معين ومبيحبش الزحمة ومش قريب كان بيعتذر بمنتهى الأدب، الغريب أن الناس اللي زيه مبتنجحش ولكن هو كان استثناء.
بينما طلب خالد الحلفاوي، الدعاء لوالده قائلًا: أنا مش هتكلم على أستاذ نبيل لأن هو مش محتاج لأن سيرته سابقاه، أنا بس عندي طلب صغير كل ما يجي على بال حد أو تيجي سيرته ندعي له ونقرأ له الفاتحة.
