سلوى محمد علي: نجاح مهرجان الأقصر للسينما الإفريقية مهم لجيل التسعينات
تحدثت الفنانة سلوى محمد علي، عن مهرجان الأقصر للسينما الإفريقية، المقرر إقامة دورته الـ 14 في الفترة من 9 إلى 15 يناير المقبل 2025، مؤكدة أن نجاحه مهم لجيل التسعينات.
وقالت سلوى محمد علي، لقائها مع القاهرة 24: مهرجان الأقصر شئ جميل لأن القائمين عليه عشرة عمر من أيام المسرح والعلاقة بينا زي دخول اتنين الجيش، والعلاقة وثيقة جدًا ونجاح مهرجانهم مهم لجيل التسعينات بتاعنا.
كما تحدثت سلوى محمد علي، عن وجهة نظرها في الأفلام القصيرة، قائلة: الأفلام القصيرة الجمهور مش بيدخلها ومنتجها الفدائي في الأغلب بيخسر لأنها مش بتتباع حتى المنصات مش بتشتريها ولو اتعرضت على منصة مش بتتشاف وبشوف أنها بتتقدم كـ عمل تطوعي من المنتج لـ المخرجين فقط.
سلوى محمد علي
وكانت أثارت الفنانة سلوى محمد علي، خلال الفترة الماضية الجدل عبر مواقع التواصل الاجتماعي بعد تصريحاتها الأخيرة عن الزعيم عادل إمام، وذلك خلال حوارها مع القاهرة 24، حيث قالت: الرسالة في العمل الفني مبتخلهوش دمه خفيف، وأنا مش فاكرة أن الفنان عادل إمام اللي هو الزعيم وأكبر فنان متحدث باللغة العربية، قدم رسائل في أعماله، عنده أفلام حلوة كتير مفيش فيها رسالة، ومعظم الكوميديا مفيش فيها رسالة.
