عصام عمر: رفضت إعلانات لمنتجات المقاطعة والرزق مش بإيد حد.. ومقلقتش من حجبي عالميًا
تحدث الفنان عصام عمر عن دعمه لحملات مقاطعة المنتجات الداعمة لجيش الاحتلال الإسرائيلي، مؤكدًا أنه لن يتوقف عن دعم المقاطعة حتى إذا تم حجبه عالميًا.
وقال عصام عمر، في لقائه مع القاهرة 24: مقلقتش من حجبي عالميًا بسبب دعمي لمقاطعة منتجات سُلطة الاحتلال، معنديش أي حاجة أقدر أعملها كمواطن مصري وعربي تجاه الأطفال اللي بتموت غير أني أقول مبحبش أتعامل مع أي شركات بتدعم الاحتلال.
وتابع عصام عمر: في رأي هيقولك طب والناس المصريين اللي شغالين، إحنا بنتعامل إن الرزق بـ إيد حد؟ الناس ممكن رزقها يتقطع لأي سبب مش بسبب المقاطعة ولكن كل واحد حر في اختياره.
وأوضح عصام عمر أنه رفض تقديم إعلانات لصالح شركات تدعم الاحتلال، قائلًا: أنا اخترت المقاطعة لأن دي حاجة هتخليني على الأقل أعرف أنام، سواء لأني رفضت إعلانات المقاطعة أو إني أقول محدش يشتري منتجات المقاطعة، دي أقل حاجة تتقدم للأطفال اللي بتموت.
أعمال الفنان الشاب عصام عمر
ومن ناحية أخرى، يقام حاليًا العرض الخاص لفيلم البحث عن منفذ لخروج السيد رامبو، بطولة عصام عمر في أحد السينما بـ أكتوبر، وذلك بحضور الفنان عصام عمر، أحمد مالك، ركين سعد، المنتج محمد حفظي، أحمد بهاء، المخرج يسري نصر الله، المخرج خالد منصور.
