رضا سليم يتحدث عن دوره في صفقتي يحيى عطية الله وداري
كشف المغربي رضا سليم لاعب الفريق الأول بالنادي الأهلي عن دوره في ضم المغربيين أشرف داري ويحيى عطية الله، إلى صفوف القلعة الحمراء مطلع الموسم الحالي.
رضا سليم يتحدث عن دوره في صفقتي يحيى عطية الله وداري
وقال رضا سليم في تصريحات تليفزيونية: في موقف يحيى عطية الله وداري الإدارة مطلبتش مني أكلمهم لكن اللاعيبة كلمتني.
وتابع سليم في تصريحاته: الأول أشرف كلمني سألني على النادي كويس وممكن أنجح في النادي قولت له الصراحة اللاعيبة كويسة والإدارة كويسة والفلوس بتاعتك هتاخدها، أهم حاجة تقدم في الملعب لو جيت وموت نفسك في الملعب النادي هتحبك والإدارة هتحبك وتكسب بطولات وتاخد حاجات مخدتهاش قبل كدة.
وتابع لاعب الأهلي: وضحت له كل حاجة، وكل حاجة أنت محتاجها في القاهرة متاحة، وأحسن نادي في إفريقيا، وقالي كلامك ثقة قولتله بكرة تيجي وتشوف بعينك كل حاجة.
وأردف رضا سليم: يحيى عطية الله لما مضى اتكلمت معاه لكن مكلمنيش قبلها وقولت له مبروك وإن شاء الله تكون أحسن لاعب في السنة قال لي شكرًا هو مبيتكلمش كتير.
