ماجدة خير الله عن فيلم المستريحة: اسم بيومي فؤاد شغال برا.. وليلى علوي مش هتضحي بقيمتها علشان نوعية أفلام
علقت الناقدة الفنية ماجدة خير الله، على تكرار تعاون الفنانة ليلى علوي، والفنان بيومي فؤاد، وكان آخر ذلك في فيلم المستريحة، والذي تم طرحه في موسم أفلام رأس السنة 2025.
وقالت ماجد خير الله، في تصريح خاص لـ القاهرة 24: ليلى علوي السنة دي عملت مجموعة أفلام كويسة وكان معاها مجموعة نجوم حلوين، فيلم آل شنب ومقسوم كانوا كويسين، وساعات شركات الإنتاج والمنصات بتطلب أفلام لها شكل معين.
وأضافت ماجدة خير الله: من الواضح أن بيومي فؤاد اسمه شغال برا كويس، وهيجيبوا مين له يعني على الأفيش؟، عايزين نجمة كبيرة وحلوة تبقى معاه على الأفيش، وأفتكر أن ليلى مش هتضحي بقيمتها الفنية علشان الأفلام دي ولازم تفكر أنها متوقعش نفسها.
فيلم المستريحة
ومن ناحية أخرى، تدور أحداث فيلم المستريحة، حول المحتالة الشهيرة شاهيناز المرعشلي، التي تعود إلى مصر بعد عشرين عامًا من الهروب، لاستعادة ماسة ثمينة دفنتها قبل هروبها، فتكتشف أن المقبرة قد تم نقل الجثث منها؛ فتقرر جمع أبنائها لمساعدتها في البحث عن الماسة.
فيلم المستريحة، بطولة ليلى علوي، بيومي فؤاد، محمد رضوان، محمد محمود، محمود الليثي، عمرو وهبة، مصطفى غريب، نور قدري، وعبد الرحمن ظاظا، ومن تأليف محمد عبد القوي، أحمد أنور، أسامة حسام الدين، وأحمد سعد والي، ومن إخراج عمرو صلاح.
