جيني كامل بعد تعرضها حادث سير مروع: جالي صدمة.. والناس بتموت في الشوارع بسبب الاستهتار
تعرضت الفنانة المعتزلة جيني كامل طليقة الشاعر أمير طعيمة، لحادث سير مروع منذ ساعات قليلة، في إحدى المناطق بالقاهرة.
جيني كامل بعد تعرضها حادث سير مروع: جالي صدمة.. والناس بتموت في الشوارع بسبب الاستهتار
وكتبت جيني كامل على حسابها الخاص فيس بوك بعد تعرضها للحادث قائلة: الحمد والشكر لله أنا كويسة وفي نعمة كبيرة، بس بهدوء كده ليه سواق نقل كبير يقرر يرجع بضهره في ملف ضيق وما يفكرش للحظة يبص وراه، ليه سواق يمشي أصلا في الحارات المخصصة للمواطن العادي، ليه سواق الناس بتقوله حاسب حاسب حاسب اللي وراك مش سامع، ليه سواق يخبط ست ويدخل جوه عربيتها بعربيته بينه وبين حياتها أقل من لحظة وفجأة يجري، ليه سواق الناس تتلم وتقوله أركن وأول ما الناس تطمن على اللي اتخبط يهرب في الزحمة ليه.
وتابعت جيني كامل: ليه بجد بيحصل في مصر كده، أول مره تجيلي تروما وأهتز ومعرفش أتصرف لأنه مفيش مجال للنط وكل ما كان بيرجع أنا مش عارفه هروح فين ما هو بيرجع داخل عربيتي، الأزاز كله وقع علي هدومي والحمد لله أنا كويسة بس ليه يجري، الناس بتموت في الشوارع بسبب الاستهتار ده، ليه مفيش قانون رادع للفئة دي بالذات وهما أكتر ناس بيموتوا أرواح بريئة، أنا حزينة والله العربية أسهل حاجة في القصة دي، بس بجد أنا موجوعة.
