الأمر عجيب وغريب.. تعليق قوي من شوبير على صفقات الأهلي الشتوية

وجه الإعلامي أحمد شوبير رسالة قوية لمجلس إدارة النادي الأهلي، بشأن ملف الصفقات الشتوية لتدعيم صفوف الفريق الأول لكرة القدم خلال يناير الجاري.

بدون راحة.. الأهلي يبدأ الاستعداد لمواجهة فاركو في الدوري

مدرب مرموش السابق يكشف حقيقة رفضه لعرض الأهلي

تعليق قوي من شوبير على صفقات الأهلي الشتوية 

وقال شوبير في تصريحات إذاعية: الجماهير منتظرة تدعيم فريق الأهلي بصفقات قوية مثل إمام عاشور ووسام أبو علي، ومن المفترض أن إدارة النادي بالفعل تعمل على هذا الملف.

وتابع: الأهلي بعد ما خلص صفقة إيفرتون النادي بالغ في المقابل المادي حتى وصل إلى 8 ملايين دولار ووقتها الأهلي رفض، والأمر تكرر مع أكثر من صفقة لكن النادي لازم يحسم الصفقة بدري يا إما ميوعدش الناس بحاجة.

وواصل شوبير تصريحاته: المسؤولين في النادي قال هيكون في صفقتين بكل مركز، وأعلنا من قبل إن الأهلي يتفاوض مع محمد ربيعة ومصطفى العش، وبعد ذلك تم استبعاد ربيعة، والنادي كان قريبًا من ضم العش فقط والصفقة توقفت والوقت بيجري، والناس عايزة تعرف إيه اللي بيحصل في ملف الصفقات

وأضاف: محتاجين حد يطلع ويوضح حتى لو النادي مش هيتعاقد مع الصفقات، والناس كلها متشعلقة في الصفقات، خاصة إن الحد الأدني من الأجانب 3 لاعبين فقط، فهل لو الأهلي ضمهم هيظبطوا الفرقة بالشكل اللي محتاجاه.

وشدد: ليه الأهلي ما أعلنش موقف علي معلول لحد دلوقتي؟، محتاجين نعرف موقف علي معلول وإحنا معندناش إجابة نقولها للناس.

واختتم شوبير تصريحاته: الأمر عجيب وغريب وأنا مبقاش عندي إجابات، ولازم حد من النادي الأهلي يطلع ويوضح للناس الموقف النهائي من الصفقات سواء هيتعاقد مع لاعبين جدد أو هيكمل بالناس الموجودة.