خدروني واحتجزوني في الشقة.. ننشر أقوال الفتاة ضحية التحرش من 3 أشخاص داخل شقة ببولاق الدكرور| خاص
ألقت الأجهزة الأمنية القبض على شخص لتنفيذ حكم بالسجن 10 سنوات، بتهمة التحرش بفتاة داخل مسكنه في بولاق الدكرور، وأوضحت التحريات أن المتهم كانت تربطه علاقة عاطفية بالمجني عليها التي ألقت نفسها من نافذة بالطابق الأول هربًا منه، وجار ضبط اثنين من أصدقائه المتورطين.
وحصل القاهرة 24 على نص أقوال المجني عليها أمام جهات التحقيق، والتي اتهمت أحد الأشخاص بالتحرش بها داخل مسكنه في بولاق الدكرور وجاءت أقوالها كالتالي:
أقوال الفتاة ضحية التحرش في شقة ببولاق الدكرور
س: ما معلوماتك بشأن الواقعة محل التحقيق؟
ج: اللي حصل أنا كنت في يوم الخميس 24/10/2024 في واحد سمسار اسمه إ.س، المفروض هقابلوا علشان أمي كانت كلمته علشان هيبيعلنا شقة، وقابلته في المهندسين في شارع أحمد عرابي، وكان راكب عربية جيب شيروكي نبيتي، ركبت معاه واتحرك من أحمد عرابي لشارع عبد المنعم حرب، ناهية، بولاق الدكرور، وبعد كده وقفنا قصاد بيت صغير من ثلاث أدوار إلى خمسة ده اللي فكراه، وكان في يافطة مكتوب عليها الكوتش، وكان في رقم تليفون مكتوب، دخلنا دور أرضي، المكتب بتاعه، وهو عبارة عن مكتب سكني، والباب على الشارع أول ما دخلت لقيت مكتب على اليمين، وأنتريه في الوش، دخلت وقعدت على الكنبة، ولقيت اللي اسمه إ.س ده رش عليا حاجة من زجاجة صغيرة كانت في إيده، وحسيت بدوخة ومدرِتش بنفسي، وبعد فترة معرفش قد إيه فوقت لقيت نفسي عارية، ومربوطة من إيدي ورجلي خلفي، وببص لقيت كلب لونه أبيض وكلب روت أسود واقف على الباب بره، وكانوا مربوطين، وقعدت أصوت لقيت إ.س، ومعاه اتنين تانيين واحد اسمه ع، والثاني اسمه م، ولقيتهم داخلين عليا وقعدت أصوت وقولتلهم انتوا عملتوا فيا ايه، وقعد يشتمنی وقلتله انت عملت فيا ايه لأني لقيت نفسي عارية، بعد كده نزلوا فیا ضرب، وإ.س ضربنی بإيده وبحزام وومطواه، وع، وم، ضربوني بإيديهم وبحزام وقعدوا يكرروا التعدي عليا بالضرب حوالي 12 مرة لمده ساعة أو أكثر، وبعد كده دخلوا ولقوا دفتر شيكات في شنطتي ومضوني عليه كله كان حوالي 50 ورقة ومضيت عليهم كلهم وبصمت بصمة زرقاء بصباعي الكبير الإبهام، وبعد كده لقيت صوت الباب بيتفتح ونزلوا، وفكيت نفسي ولبست اللبس بتاعي، وفتحت الشباك لقيت نفسي في دور أول علوي فمسكت في مسورة حدید، وحاولت أنزل بس أعصابی خانتني ووقعت على رأسي وظهري.
س: ما هي ظروف تقابلك مع المتهمين؟
ج: كنت رايحة أقابل إ.س، علشان أمي كلمته علشان يبيعلنا شقة في زايد وم، وع، شوفتهم بعد ماخدروني واحتجزوني في المكان.
س: كم المدة الزمنية التي مكثت فيها بمنزل المتهمين؟
ج: أنا اتخطفت الخميس، وفضلت قاعدة لحد يوم السبت لما خدوني ورمونى في الأرض الزراعية.
س: ما هي الأفعال المادية التي أتاها المتهمون قبلك حال احتجازك؟
ج: ضربوني كتير، وتعدوا عليا جنسيًا، وجردوني من ملابسي كلها، وخلوني أمضي على 50 ورقة اللي كانوا معايا في الشيك بتاعي.
