شكاوى ضد شركة seven بسبب موظفي خدمة عملاء.. ما القصة؟
اشتكى عدد من العملاء، شركة seven للتمويل الاستهلاكي، بسبب سوء تعامل بعض موظفي خدمة العملاء التابعة لتلك الشركة، بعد تأخر بعض المتعاملين مع الشركة على سداد المستحقات التي تقع عليهم.
شكاوى ضد شركة seven بسبب موظفي خدمة عملاء
واشتكى عميل شركة seven، للتمويل الاستهلاكي، بسبب سوء تعامل إحدى موظفات خدمة العملاء التابعة لتلك الشركة، بعد إضافة غرامة عليه 4 آلاف جنيه، موضحًا أنه تعرض لسماع ألفاظ غير مقبولة من أحد موظفي خدمة عملاء شركة متخصصة في التمويل الاستهلاكي؛ بسبب إضافة غرامة 4 آلاف جنيه على قيمة المبلغ المستحق عليه.
وذكر عبر صفحته على أحد مواقع التواصل الاجتماعي: مندوبة تحصيلات بإحدى شركات التمويل اللي أنا عميل ملتزم معاهم بقالي سنة نص بتكلمني بكل العصبية دي عشان حولت فلوس القسط في تاريخ الاستحقاق الطبيعي، بس وصل عندهم بعدها بيوم عشان البنوك إجازة يوم 7 يناير، وبالتالي نزلوا عليا غرامة 4 آلاف جنيه كل الدوشة دي، عشان الشركة واقفة على 4 آلاف جنيه غرامة.
وأضاف: مش قادر أصدق إن في شركة بتعين ناس بالـlevel of communication والـsocial intelligence ده معندهمش تمييز بين عميل ملتزم وعميل نصاب، كله بيتهزق هو سكريبت واحد هنسمعه لكله، بتقولي أنت عميل مديون.
وتعتبر شركة Seven إحدى شركات Beltone المالية القابضة، وتستخدم الشركة عمليات التمويل استهلاكي، لتقسيط كل معاملاتك الشرائية في مختلف المجالات، مثل تشطيب المنزل، أو شراء سيارة، أو دفع مصاريف المدارس.
