أحلام عن شائعات انفصالها: أنا ومبارك روح وجسد واحد ومش مضطرين نثبت لأي حد أي شيء
علقت المطربة الإماراتية أحلام الشامسي، على الشائعات المتداولة عن انفصالها عن رجل الأعمال مبارك الهاجري، معربة عن حبها الكبير له.
وقالت أحلام، في مؤتمر حفلها بالرياض بالمملكة العربية السعودية: علاقتي بمبارك مش بس حبيبي وزوجي وأبوعيالي هو صديقي والفيديوهات اللي تشوفوها أنا مستعدة تشوفوا فيديوهات من أكتر من 15 سنة أنا ومبارك في كل مكان نتصور.
وأضافت: الناس لما شافونا في الصيف مع بعض وفيديوهات كثيرة، إحنا مش مضطرين أو محتاجين نبرهن للناس إننا نحب بعض ولا نبرهن إن في مشاكل بينا، إحنا شرقيين الرجل له رجولته والمرأة لها بيتها وأولادها وعملها، أنا اليوم في عملي والله 6 شهور لم يتركني.
وأضافت: احنا عادة إذا عنده شغل ويسافر ويغيب بالأيام، هو ترك كل شغله عنده صفقات وقفها وقال لي لما ينزل الألبوم واطمن عليك، الحب اللي بيني وبين مبارك مش شيء ينكتب أو يتصور في الإعلام الحب اللي بيني وبينه الكل يعرفه يكفي أن عندي منه 3 أولاد فهد وفاطمة ولولو الله يحفظهم، واحنا من بداياتنا بنحب بعض ونحترم بعض بعيد عن أي شيء في بينا احترام وصداقة، ختام الموضوع أنا ومبارك مش مضطرين نثبت لأي حد أي شيء أنا ومبارك روح وجسد واحد وبإذن الله ما نفترق.
