محيي إسماعيل في معرض الكتاب: الأكل أهم من الكٌتب.. ومبصورش من غير فلوس
حضر الفنان محيي إسماعيل، ندوة توقيع كتاب المخرج مازن الغرباوي بمعرض الكتاب، وتحدث عن إمكانية تقديم سيرته الذاتية في عمل فني.
وقال محيي إسماعيل، خلال الندوة: لو هعمل كتاب عن حياتي هسميه اللا منتمي، ومحبش سيرتي الذاتية تتعمل وأنا عايش، الناس موتت جميع فنانين مصر، خليني معاكم، وأنا مبصورش من غير فلوس.
وأضاف محيي إسماعيل: أسعار الكٌتب لازم تبقى رخيصة لأن الأكل أهم من الكتب، وبنصح الشباب ياكلوا علشان يقرأوا، والشباب اللي مبتقرأش يبقوا شباب ويقرأوا.
وعن الكوميديان الأقرب لـ قلب محيي إسماعيل، قال: أنا بقول نكتة وأضحك عليها.. لكن الآخرين بيقولوا نكت بدم تقيل مبتضحكنيش، ومحبش حد يكتب عني أنا اللي أكتب عن نفسي.
محيي إسماعيل: مش هرجع للشاشة غير لما يتعرض عليا أعمال جيدة
وسبق وتحدث محيي إسماعيل، عن عودته للساحة الفنية من جديد، حيث قال في تصريحات تليفزيونية: أنا بقضي يومي كله أكل ونوم بس، وبنام في أي وقت.
وبشأن حديثه عن موعد عودته للشاشة، رد: لما تيجي أعمال فنية جيدة هتلاقوني موجود.. ولو مجتش، عنها ما جت.
وأكمل محيي إسماعيل: مبتفرجش على أي أعمال فنية دلوقتي إلا بظروفها، لو حاجة جت حلوة وخلاص.. غير كده باكل وأنام فقط.
