محمد سعد عن كثرة تعاقداته: مكنتش عارف أنا مع مين.. ولو بحارب نفسي مش هعمل كده
تحدث الفنان محمد سعد، عن كثرة تعاقداته مع المنتجين خلال الفترة الماضية، قبل الاستقرار على التعاون مع المنتج محمد الرشيدي في فيلمه الدشاش، الذي عاد من خلاله للساحة السينمائية من جديد وتربع على عرش الإيرادات.
وقال محمد سعد في ندوته بالقاهرة 24: أنا مكنتش عارف أنا مع مين، كان في أكتر من حوالي 4 منتجين وأنا من حقي أقرر أخد أنهي ورق يوديني للجمهور، هل كنت أخد ورق مش هيضيف ليا ولا يكسبني ولا يكسب المنتج؟، أنا لو بحارب نفسي مش هعمل كده، أنا عملت اللي فيه الصالح ليا وللمنتج.
محمد سعد: شفت فرحة الجمهور بالدشاش.. وسمعت كلام النقاد
وأعرب محمد سعد، عن سعادته الكبيرة بنجاح فيلمه الدشاش، قائلا: أنا شُفت فرحة الجمهور في عينهم ليا خلال وجودي على ريد كاربت فيلم الدشاش، أول ما دخلت القاعة لقيت الفرحة في عيونهم، وقلت للجمهور أنا عملت اللي إنتم طالبينه مني، وسمعت كلام النقاد والصحفيين.
كما تحدث الفنان محمد سعد عن فكرة حصره في أدوار بعينها، إذ برر موقفه بأن الأدوار التي كانت تعرض عليه كانت تستلزم هذا الأمر، ولكن مع الوقت قرر أن يستجيب لطلب الجمهور ويغير من نوعية أعماله، قائلا: الورق هو اللي ظلمني أنا مبقتش نفسي، مكنتش لاقي ورق ولما جه الدشاش قفشته ومعداش من إيدي.
