محمد رمضان: أنا آخر العنقود وكنت طفل متدلع.. واتعلمت القناعة من أبويا وأمي
تحدث الفنان محمد رمضان عن طفولته، مؤكدا أنه نشأ على القناعة، وأشار إلى أنه يعتبر المال مصدرا للسعادة.
وقال محمد رمضان خلال تصريحات تليفزيونية له: الفلوس بتجيب السعادة، وعيشت طول عمري في أسرة متوسطة وبقيت مليونير وأنا عندي 19 سنة، والفلوس بالنسبة لي هي دليل النجاح.
وتابع محمد رمضان: مش هغني في أفراح حتى لو هاخد مليون دولار، وأنا لو لقيت واحد طالع مرة واحدة وبيقول أنا نمبر وان هاخد عنه نفس انطباع الغرور اللي الأغلب أخده عني في البداية، وأنا استخدمت ده للتسويق لنفسي مش لفكرة الغرور.
محمد رمضان يتحدث عن طفولته:
وأردف محمد رمضان: أنا آخر العنقود وكنت طفل متدلع، وأخدت من أمي وأبويا القناعة وحب الخير للغير وعمري ما طلبت حاجة من أبويا مش في استطاعته، متابع: اتعلمت من أمي وأبويا الثقة في ربنا وده مصدر الكلمة اللي بقيت بقولها ثقة في الله نجاح.
كما كشف موقفة في طفولته قائلا: مرة وأنا صغير كنت بقلد ناظر المدرسة وشافني قولت أكيد هيرفدني لأني بتنمر عليه.. لكنه فاجأني ووداني مسرح المدرسة وهو صاحب الفضل في إني أفكر في التمثيل.
