وائل الفشني: بدخل في اكتئاب لما مبشتغلش.. ومريت بأزمات نفسية ومادية
تحدث الفنان وائل الفشني عن تفاصيل حالته نفسية في الفترات التي يكون فيها بعيدًا عن الوسط الفني، مشيرًا إلى أنه تعرض لأزمات نفسية عديدة بسبب قلة العمل.
وائل الفشني: بدخل في اكتئاب لما مبشتغلش.. ومريت بأزمات نفسية ومادية
وقال وائل الفشني في تصريحاته لـ القاهرة 24 قائلًا: مريت بأزمات مادية ونفسية ودخلت في اكتئاب لما مش بشتغل، والحمد لله بتظبط أمورنا بالكرامة والفنان الحقيقي لا يهان.
وفي وقت سابق، تحدث وائل الفشني خلال تصريحات تليفزيونية، عن أغنية واحة الغروب قائلًا: الناس لسه بتحب أغنية واحة الغروب وبتطلبها مني، وبيطلب مني أغني للأستاذ سيد مكاوي، وكتير بيحبوا يسمعوني في ابتهالات رمضان، وعندي نوعين من جمهوري بستغربهم جدا أولهم الأطفال وثانيهم مرضى متلازمة داون، مرتبطين بيا جدا وبيحسوني أوي وأنا ببتهل، ده اللي عرفني أني حقيقي مش بكدب.
وائل الفشني: لم أدرس مجال الغناء
وواصل وائل الفشني، أنه لم يدرس مجال الغناء حتى يتفوق فيه، لذا فقد سعى إلى المذاكرة ومعرفة كل ما يخص الموسيقى والغناء، قائلًا: أعتمد على السمع في المذاكرة، واللي بيلزق في ودني بردده بكل الطرق، وعندي 7 من خيلاني شيوخ وكان أصواتهم حلوة، والمذاكرة بالنسبة ليا أني أسمع، وأحيانا بسمع أنواع مش عايز أسمعها بس عشان أتعلم.
