تامر هجرس: دخلت مجال المودلينج عن طريقة خناقة.. وأول أجر ليا كان 500 جنيه
كشف الفنان تامر هجرس، عن أول أجر تقاضاه في حياته الفنية، مشيرا إلى إنه دخل مجال المودلينج بسبب مشاجرة له في كافيه.
وقال تامر هجرس خلال لقائه مع القاهرة 24: أول أجر ليا كان 500 جنيه، كنت بتخانق مع واحدة صاحبتي في كافيه والناس بتتفرج علينا، وبعد ما مشينا جالي راجل قالي تحب تعمل موديلينج؟ فكرته بيهزر لكن طلع بجد وعملت مودلينج.
تامر هجرس يكشف عن أعماله المقبلة
كما سبق وكشف تامر هجرس عن أعماله المقبلة، مشيرا إلى أنه سوف يقدم فيلما جديدا بنفس فريق عمل فيلميه السابقين، جوازة توكسيك وشوجر دادي.
وقال تامر هجرس خلال ندوته في القاهرة 24: السيناريست لؤي السيد شغال على سكريبت فيلم جديد، بنفس طاقم عمل فيلم شوجر دادي وجوازة توكسيك، بحب النوعية دي من الأفلام، خصوصا لما بنرتاح لفريق عمل معين.
وعلى جانب آخر، سبق وكشف تامر هجرس، تفاصيل الأزمة الصحية التي تعرضه لها زوجته مؤخرا، وخضعت على إثرها لـ عملية جراحية بالقلب خلال الأيام الماضية، وقال تامر هجرس، في تصريح خاص لـ القاهرة 24: عملت عملية في القلب الأيام اللي فاتت، ضربات قلبها بتوصل لـ رقم خزعبلي وبتبقى مش عارفة تتنفس، اضطرينا نعمل عملية في القلب على طول ولسه في مرحلة التعافي، ولكن الأزمة دي حصلت لها تاني وبنتابع حاليًا مع دكتور في إسبانيا علشان نشوف هيكون في حل ولا عملية تانية.
